المساعد الشخصي الرقمي

مشاهدة النسخة كاملة : نكات وطرائف وضحكات


عمر محمد الحسن
11-18-2009, 12:57 AM
هذه النكتة ارويها لكم على لسان صديقى واخى المهندس محمد احمد عضو المنتدى ومصمم شبكة كريمة ولقد اعجبتنى واضحكتنى عندما مررت بها فى منتدى التوثيق :

رباطابي شغال عسكري مرور ..
حصل حادث حركة لي بص والبص اتقلب ... الرباطابي رسلوهو محل الحادث .. لقى الركاب كلهم ماتوا ... ما فضل غير راكب واحد حي ..
الرباطابي قال ليهو : أها يا الصندوق الأسود .. الحادث دا حصل كيف ؟ :p

عادل أحمد عباس
12-26-2009, 12:45 PM
بسم الله الرحمن الرحيم
طرائف الإجابات في الإمتحانات
أخطاء الطلاب تأتي في إجابتهم عفوية تثير العجب وتخالف المعقول والمنطقي بل تتعدى مغزى السؤال ومقصده إلى ما لا يمكن أن يتوقعه المعلم فضلاً عمن سواه فتكون بمثابة طرفة مضحكة . ومن هذه الأخطاء :
** جاء سؤال إلى الطلاب في مادة الفقه بما نصه : إذا كان زكاة /6/ من الإبل حقة ، فما زكاة ما زاد عن /10/ من الإبل ؟
- أجاب الطالب = فيل .
** لماذا الطقس في السعودية حار والطقس في الصين بارد ؟
- الطالب : لن الصين بلاد حضاري ... والسعودية بلاد عربي !!!! .
** كتب أحد الطلبة موضوعاً عن الوطن ودعم موضوعه ببيت من الشعر قائلاً كما قال الشاعر طلال مداح : وطني الحبيب وهل أحب سواه .
** من هو عقبة بن نافع ؟
- أجاب الطالب : هو مخرج /10/ (إسم أحد الطرق الرئيسية بمدينة الرياض) .
** السؤال : أذكر أعمال قصي بن كلاب ؟
- أجاب الطالب : كان يقوم الليل كله ويحفظ القرآن ويرتله ويحارب مع النبي (ص) ويحفظ الأحاديث .
الجواب الصحيح هو السقاية والرفادة ، فقصي بن كلاب عاش قبل الإسلام .
** كان معلم التاريخ يتحدث عن مولد النبي صلى الله عليه وسلم فكتب على السبورة هذا الرقم /571م/ فسأل المدرس أحد الطلاب ماذا يعني حرف الميم ؟؟ التي هي ميلادي طبعاً فقال : تعني ( متر يا أستاذ ) .
** سأل معلم اللغة العربية الطالب ما هو النداء ؟
- أجاب الطالب هو أن تقول لواحد تعال .
** معلم الجغرافيا يسأل أحد الطلبة أذكر ثلاثة من أنواع النباتات ؟
- أجاب الطالب 1- التربة 2- الهواء 3- الماء .
** معلم علوم يسأل : هات مثالاً لحيوان زاحف ؟
- أجاب أحد الطلاب : الطفل الرضيع .
** أحد الطلبة يسأل ما هو الكائن الحي الذي له 12 رجلاً ففكر الطلاب والأساتذة ولم يصلوا إلى الجواب : فأجاب الطالب : التريلة .
** إتفق أحد التلاميذ الكسالى مع زميله على أن يكتب له إجابة الأسئلة في ورقة خارجية ويعطيه إياها أنثاء الامتحان ، وبالفعل نجحت الخطة ولكن عند تصحيح الأوراق وجد المدرس عبارة في آخر ورقة الطالب الكسول : إذا شافك المعلم قطّع الورقة .
** أثناء أحد الامتحانات قام أحد التلاميذ بالغش فنقل قاعدة الرسم الهندسي من الكتاب ، ومع العجلة كتب الهامش أنظر الشكل رقم ( ........ ) .
** كان أحد الأساتذة يتميز بصلعة كبيرة ملساء ، وذات يوم بينما كان يحك صلعته بكلتا يديه قال له طالب متفلسف ( يا أستاذ يقولون إن علاج الصلع هو أن تجعل بقرة تلحس رأسك ) بما كان من الأستاذ إلا أن حنى رأسه وقال ( تفضل ... ألحس ) .
** قرر أحد التلاميذ الهرب من المدرسة في منتصف الدوام ، فقام بالتسلل إلى إحدى نوافذ الدور الأرضي وقفز منها إلى فناء المدرسة ثم أسرع راكضاً إلى السور وقفز إلى أعلاه ثم قفز إلى الأرض ليقع على رأس مدرس كان يسترق وقت الفسحة لإستغلاله بالتدخين بعيداً عن الأعين
** سأل المدرس أحد الطلبة : علل ضعف الغطاء النباتي بالقرب من البحار ؟
- الجواب : لخروج الأسماك ليلاً وأكل الغطاء النباتي !!! .

عمر محمد الحسن
12-28-2009, 10:44 AM
اخونا كان زهجان وقافلة معاه على الاخر .. ومن صبحت مامرق من البيت من الحاله الفيها ..
دخل عليه ود اخته وقال له: والله يا خال برة فى جنس غمة تخوف ..
والله يا خال مرقت اصبعى غلبنى اشوفه !
فرد عليه الخال : انت مارق اصبعك لى شنو؟؟؟؟

عمر محمد الحسن
12-28-2009, 10:48 AM
قال ليك واحد دخل حلة رباطاب وفي طرف الحلة كده
لقي ليهو شافع صغير قام سأله : اسمع... عندكم موية ؟
قام الشافع رد عليهو : نان شجرنها ده قايم بي التيمم ؟


( الحقوق محفوظة للعضو الاستاذ محمد احمد ابراهيم )

عبدالله صديق
12-28-2009, 03:19 PM
هذه النكته حقيقيه عن الرباطاب( وهم نسايبي) في واحد معانا في الحله وهو مشهور بالرد السريع مره كانت الكهرباء قاطعه وهو داير يكوي هدوم الشغل لحدي الساعة عشره بالليل ماجات بعدين قام نام الساعة11ونص الكهرباء جات قامت اخته صحتو قالت ليهو الكهرباء جات قام عاين لساعتو وقال ليها جايبنها اسع ليشنو دايرين نتغطابا

عبدالله صديق
12-28-2009, 03:27 PM
واحد رباطابي( نسيبي بالجد) كان راكب في الحافله لاقتو مره من الحله التحت (في الكدرو يعني) قالت ليهو ياولدي والله انا مشبهاك قال ليها على منو ياحاجه قالت ليهو على ناس المحطه قال ليها ليه شايفه في راسي قطيه

عبدالله صديق
12-28-2009, 03:34 PM
رباطابيه اتزوجه واحد شايقي وسكنا البلد بعد كم سنه ماتت قامت امها قالت لاخوها اسع تمشي تحفر قبرها وتجيبا ندفنا هنا قالها ليه يمه ما كلو واحد قالت ليهو لالا الشايقيه ساعت يقومو مابيتوروها معاهم

عمر محمد الحسن
01-11-2010, 07:45 AM
رباطابي لابس جزمة قديمة أصابعينو الخمسة مارقين بره ...
مشى لبتاع ورنيش مد ليهو كراعو.....
بتاع الورنيش قال ليهو: أورنش ليك؟
قال ليه : لا لا طقطقن لي !!

عمر محمد الحسن
01-11-2010, 07:47 AM
رباطابي في عزومة عرس لاحظ انو في زول نائم نومة عميقة جدا ...
بس في اللحظة الختو صينية الاكل عمك تبترب صحي وابتداء يلقلق .....
الرباطابي قال ليهم : انتو زولكم دا كنتو خاتينو في الشاحن والا شنو ...

عمر محمد الحسن
01-11-2010, 07:52 AM
الرباطابي عمل ليه محل فول في البلد ومشى معاه كويس قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل .
جاه صاحبه الرباطابي قال ليه يا دكتور عينت ليك (فحيص) معاك ولا شنو!!

عادل أحمد عباس
01-11-2010, 11:56 AM
لكم كل التحايا الأخوة عمر محمد الحسن و عبد الله صديق الحسن ، على هذه الروائع من القصص من منطقة الرباطاب ونأمل المزيد منها .

عبدالسلام محمد سيداحمد
03-27-2010, 08:39 PM
( داير تعزب شايقى قطع قروش قداموا )


1/ شايقيه قالت لي امها : راجلي اتاخر خايفه يكون عرس علي
قالت ليها يابت اتفائلي خير يمكن طقشتو عربيه


2/ قال ليك شايقى لئيم لاااامة ..
مشى مقابر الجعليين .. وشغل المسجل بصوت عالى ، باغنية .. الدنيا حلوة

3/ سوداني إنضم للقاعدة قالهم داير عليكم الله تحطوني في الخلايا النائمة

عبدالسلام محمد سيداحمد
03-27-2010, 09:26 PM
1/ سألوا سوداني: أيه يعجبك في قصص الأنبياء والصالحين؟ قال: والله كلها عبر وحكم .. وبالزات قصة أسيادنا أهل الكهف
يا سلام عليهم... كبسوها نومة تلاتمية سنة.
2/ قالوا في واحد زار صاحبا ليهو بعد غياب 20 سنة فالصاحب اخده معاهوا البيت عشان يتغدى ويعرفوا على المدام والاولاد المهم وصلوا البيت واول ما المدام هلت
شبكها تعالى حبيبتى اعرفك على فلان ...بعد شوية ياحياتى ممكن تحضرى الغداء..وبعديها يا روحى ممكن الشاى.....!!!
يازول صاحبه انبهر وقال ليهو ماشاءالله 17 سنه زواج ولسة بتقول يا روحى وياحياتى...!!
قال ليهو ابدا والله ..كل الحكاية انه المده طالت ونسيت اسمها منو!

3/ مسطول عاملين معاهو لقاء تلفزيوني سألوه : اسباب السخانة الفي البلد
دي شنو قال ليهم دا كلو من مشجعين الكورة شابكننا سودانا فوق،، فوق
، فوق لمن قربنا نصل الشمس

4/ شايقي وجعلي ماشين في شوارع الخرطوم ، الجعلي قال للشايقي: عندكم شايقي سموا ليهو شارع من شوارع الخرطوم بإسمو ؟؟
الشايقي: لا والله.
الجعلي : شوف الشارع ده إسمو شارع المك نمر.
الشايقي: بالله هو ده الجراااابو

علي محمود علي ابراهيم
03-29-2010, 04:40 PM
http://www.youtube.com/watch?v=spDelYrCXfw

علي محمود علي ابراهيم
03-29-2010, 04:51 PM
http://www.youtube.com/watch?v=MoYGR0sR248&feature=related

علي محمود علي ابراهيم
03-29-2010, 04:53 PM
http://www.youtube.com/watch?v=pjzsfF114zc&feature=related

عثمان مقلد
04-15-2010, 08:42 PM
رباطابى ركب القطر وجاه الكمسارى قال ليه راكب من وين يااخينا قال ليه من المحطه الفاتت قال ليه شكلك ده شكل زول راكب من المحطه الفاتت قال ليه مالك على اندردق وركب

عثمان مقلد
04-15-2010, 08:45 PM
طفل رباطاب قرصتو نمله قاعد جنب امو يحك فيها وامو ماشغاله بيه كتير قالت ليه مالك قرصتك نمله قال ليها امال قاعد احك لى فى اسكراتش

عثمان مقلد
04-15-2010, 08:47 PM
رباطابى وشايقى محكوم عليهم بالاعدام قالو لى كل واحد اتمنى امنيه اخيره نحققها ليك الشايقى قال داير اشوف امى الرباطابى قال امنيتى الجنى ده مايشوف امو

عادل أحمد عباس
04-22-2010, 12:05 AM
نكتة المساء


‏​محشش قاعد جنب واحد سوداني،

التفت المحشش

و قال للسوداني :

أنت صيني؟؟؟

استغرب السوداني...

وقال: لأ،

قعد شـوي ورجع سأله: يا اخي أنت صيني؟

تنرفز الزول و قال: لأ يا أخي،

قعد شـوي ثم التفت

و قال: طيب امك صينيه؟؟؟

ولع الزول و قال: ايوه صيني... و امي صينيه...

و اسمي شون لي زووو

ارتحت الحين؟


قال المحشش: يعني أنت صيني؟

قال: ايوه صيني



قال المحشش؟

غريبه.... مع ان شكلك سوداني!!!


‏​

عمر محمد الحسن
04-28-2010, 11:28 AM
رباطابى عمل عملية عيون فى المستشفى الصينى بعد ما فتّح لقى مجموعة كبيرة من الصينين متلمين قدامه ،، طوالى قال ليهم : شنو يا جماعة انتو اصلو عملتو عملية ولا كبرى!!

علي عوض التهامي
04-28-2010, 12:04 PM
نكتة :واحد جاب ليهو بابور موية عشان يجر من البحر ليسقى الزراعة قامت الحكومة دفعتو ضريبة قاليهم فى شنو قالوليهو فى
الموية قال والله اول مرة اعرف انو البحر دة حق الحكومة.
و

محمدعمرمحمدالشيخ تاي الله
07-03-2010, 11:13 PM
مسطول جاء ولقي صحبونايم طلع سكينه وراح ضابحو وقعد أطحك وقال ماقادر أتخيلولمايقوم وألقي الراس مافي
________________________________________________
مسطول في حصه رسم قاعد كل الطلبه رسموا راح راسم خطين ووقف جاهو الاستاز دي شنو يازوك راح قلو حظك كعب ياأستاذ ده قطر قبلي شويه أتحرك
________________________________________________
مسطول مرتو اتشاكلت مع الخدامه قعد كل وحده في بيت
________________________________________________
واحد عرابى جا الى الخرطوم , وقم ولده ساقو الكوفير. وفى الكوفير لقى تمثال لابس ملابس للعرض سلم عليه ولده قال ليه يابوى دا تمثال ولما جو مارقين لقى خواجا قاعد فى كرسى وعنده صلعة قام العربى ضربه فى الصلعة وقال يا ولدى دا ما فضل ليه الا الكلام

محمدعمرمحمدالشيخ تاي الله
07-04-2010, 12:19 PM
مسطول مشي الدكتور قال ليه
يادكتور عايز أعمل ريجيم
قال ليه كل يوم تمشي ? كيلو
بعد شهر ضرب للدكتوذ قال ليه
يادكتور وصلت مدني أواصل ؟

محمدعمرمحمدالشيخ تاي الله
07-04-2010, 10:30 PM
مسطول ضبح خروف عمل اللحمة شية والراس شوربة والرجلين كوارع والجلد مصلاية
والعضام طحنها علف للجداد حتى كلمة باع عملها نغمة لى موبايلو

محمدعمرمحمدالشيخ تاي الله
07-04-2010, 10:32 PM
مسطول يحب واحده من طرف واحد
سنه كامله يتابع فيها وهي ما جايبا خبر
بعد فترة شافا مع واحد
قال ليها: شوفي اعتبري البيناتنا انتهى

محمدعمرمحمدالشيخ تاي الله
07-04-2010, 10:33 PM
اتنين مساطيل قاليهم العسكري ' وليه كلكم عيونكم حمرا'؟؟
قالوا ليهو: 'بنبقى لبعض'!!

محمدعمرمحمدالشيخ تاي الله
07-04-2010, 10:34 PM
ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق. في واحـد مسطـول راكب في الكنبه الخلفيـــه قال للسـواق.. ياابن العـم شيل دركسونك وتعال معانا بي ورا

محمدعمرمحمدالشيخ تاي الله
07-04-2010, 10:37 PM
واحد عمل ليهو مشكله مع مسطول بعد كم يوم المسطول رسل ليهو مسطره طويله ومسطره قصيره و استيكه مشي لمسطول تاني حكي ليهو الحكايه المسطول طوالي قال ليهو الزول دا بقول ليك ان طال الزمن وان قصر بمسحك بمسحك

معتز النور
07-27-2010, 11:34 PM
رباطابي راكب حمار و بيبيع في حرجل و نبق، جاتو واحدة حنكوشة عايزة تشتري نبق، عاينت للحمار كدة، و سألت الرباطابي: يا عمو حمارك ده بيضرب؟؟ قال ليها: لأ بيعمل ميس كول بس...



الرباطابى قالو ليهو اتبرع لبناء سور للمقابر قال ليهم مره شفتو ليكم ميت شرد؟؟



رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو تقبل الله أنصارالسنة رفض يمد يدو قال ليهو دى ماورد فيها نص، الرباطابى قالليهو نان الإحراج ورد فيهو نص؟؟



الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل دلوه فى البير، الجعلى طب مسك ايدو، الرباطابى قال ليهو هسى ايدى مسكتها ودلوى حميتنى انزلو ، دحين بيرك دى الا كان تتكيها!!!



رباطابية سافرت بالقطر مع ولدها ....و القطر اتعطل فى السكه... المهم لمن قرب يصل للمحطه جاها الكمسارى ودار بينهما الحوار التالى : تذاكر يا حاجه ادتوا تذكره واحده... سالها وين تذكرة ولدك .ده

ردت: الوليد ده صغيــــر ما بقطعليهو تذكرة..

الكمسارى: ده ولد صغير ??? ده شنـــبو قايـــم !!!!!!

الرباطابية: والله...والله شنبــــــو ...قام فى قطــــركـــم ده !!!!!!!!!!



واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال لية ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!



شافعة رباطابية قاعدة تاكل مع أبوها في الصينية ، قالت ليهو: يابا أدني عيشة، الأب حب يشاغلها، قال ليها بتدوري بيها شنو؟؟ قالت ليهو بدور أرضعها!!!



جزار رباطابي جاهو واحد قال ليهو اديني راس خروف وصلحو فرد ليهو: أعمل ليهو نظارة يعني!!



في الرباطاب جابو ليهم استاذ دنقلاوي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها فرد ليهو واحد شافع: جاء فعل ماضي ناقص، التاء تاء الدناقله، محمد فاعل..



رباطابي مركبوغرقت مشى يعمل بلاغ العسكري قال ليهو غرقت وين ؟ قال ليو في شارع الظلط..



رباطابية ماشة في الشارع قابلها واحد راكب حمار حاول يشاغلها فقال ليها اول مرة اشوف لي رباطابية حلوة كدا فردت ليهو وانا برضو اول مرة اشوف لي حمار طابقين



رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟

رد عليه واحد زهجان: والله البحر ما نفع معاهو قلنا نجرب الظلط..



قالوا واحدة من حريم الرباطاب كانت بتبيع زلابية وطعمية للركاب في محطة ابوحمد الايام ديك شغلوا القطر الاكسبرس وكان ما بيقيف في اي محطة، المهم القطر جا ماشي فيها بووووو ، وماباعت اي حاجة قامت رجعت البيت، قام الراجل قال ليها انشاءالله بعتي كويس الليلة ،قامت ردت قالت ليهو:بعت شنو الشئ جا ماشي فيني زي ترجمة الفلم الاجنبي..



رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..



رُباطابي فتح دُكان جاب واحد فلاتي قرا فيهو يس، أول شهر الدكان رِبح 4 مليون ..الفلاتي سمع جا للرباطابي، قال الا يشيل 2 مليون .. الرباطابي قال ليهو لي إنتَ يس دي من تأليفك!!



رباطابي بتاع فرن جاءهو واحد قال ليهو العيش في النار رد ليهولا يااخوي في الجنة..

محمدعمرمحمدالشيخ تاي الله
07-28-2010, 10:12 AM
مسطول قال : بعد ما رفعت الفاتحة إتذكرت إنهم أقباط ، قمت رشيتهم بـ يا أيها الكافرون

مسطول قالوا ليهو : الصينيين بولدوا كل دقيقة طفل .
قال : دا التقدم مش زي هنا كل 9 شهور طفل

مسطول ... مفلس فلس شديد
لقى ليه زير وحضنو وقاليه: وين يا مرطب

مسطول سمع دقه باب البيت فتح الباب ما لقي زول ..قال ده مس كول ولا شنو ؟؟؟

مسطول جارى مخلوع سالوه مالك
قال انا ماشى فى الكلب عفصت لى شارع
فى جلابيتو مسكنى من ضنبى..

مسطول بيصلى قام صاحبو ضرب ليهو تلفون قال ليهو انت وين ؟؟ قال انا فى التحيات لله .......!!!!!!!!!

محمدعمرمحمدالشيخ تاي الله
07-28-2010, 10:18 AM
خمسة مساطيل يصلو .. واحد منهم عطس وقال الحمد لله.. قال الثاني يرحمك الله ..قال الثالث ما صاح تتكلمو في الصلاة .. قال الرابع كلكم صلاتكم باطلة.. قال الخامس الحمد لله انا ما تكلمت!

مسطول يقول لاخوه :
أتحداك تجيب اسم دولة أوروبية ....لو ختيت نقطة على آخر حرف ‏فيها ....يطلع لك اسم عَالِم ذرَّة
قال المسطول التانى :بصراحة ماعارف !!
قال المسطول :
الدولة هي قطر وإذا ختيت النقطة بتصير قطز
قال التانى :
قطز عالِم ‏ذرَّة ؟؟!!
قال المسطول :
يعني قطر هي اللي دولة أوروبية ؟؟

مسطول مشى سوق 6 قال ليهم داير لي نقاش ... جوهو (40) نقاش قال ليهم... يلا انقشوني انا جايي من وين ؟.

محمدعمرمحمدالشيخ تاي الله
07-28-2010, 10:18 AM
اثنين مساطيل راقدين في أوضة قصادها برندة واحد قال للتاني انا شايف مرق الأوضة دي يطلع ويجي التاني قالو خليهو يمكن شغال أوضة - برندة.

مسطول لقي نفسه قدام نمر ما عرف يتصرف قال ليهو : أكلني تاكل السم .

مسطول راسه مصدع؟ اشترى بنادول ومالقى مويه بلع الحبة وتيمم

مسطول ولدو عيان وداهو الدكتور
الدكتور قال ليهو: ولدك دا عندو تسمم شرب لبن مدتو منتهيه
المسطول قال ليهو: تكون رضعتو حبوبتو...

محمدعمرمحمدالشيخ تاي الله
07-28-2010, 10:19 AM
قال : الإتنين بيتلحْســــو

واحد مسطول داير يحتفل بيوم الطفل بال في لباسو

اثنين عساكر مساطيل في حفلة بنادي الضباط شا فوا العروس لابسه فستان كله نجوم
واحد سأل صحبه دي رتبتها شنو ؟

مسطول مرتو ماتت قالو ليه نديك أختا؟ قال ليهم: معقول ياخي .. ديل نسابة ولا شركة تأمين أًصلو

مسطول طالع من الدكتور بتكلم مع روحه:
ضب في صحن؟ .. لا لا
سحليه فى جك؟ .. لا لا
قعونجه فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو: إنتا يا دكتور قلت عندي شنو؟؟
قاليهو : عندك سرطان فى الحوض...

اربعة مساطيل دخلوا امتحان جاهم سؤال فى الامتحان : كم
عددارجل الغنماية وكلهم سألوا صاحبهم حسين وما كان بيرد عليهم ولما خلص
الامتحان ولاقوه برة قالوا ليهو : ليه ما بترد ..!؟ قاليهم : المراقب كان جنبى وما قادر اطلع
الغنماية

محمدعمرمحمدالشيخ تاي الله
07-28-2010, 10:21 AM
مسطول سايق اسعاف في الحرب
نقل 35 قتيل ...
سمع بالراديو سقوط 30 قتيل !
وقف وفتح الباب وقال: الخمسه الراكبين حنك ينزلوا .!

مسطول قال : والله من شدة السخانة طلعت الشارع لقيت الشارع قاعد فى الضل

مسطول بيحكي لي واحد مسطول نكتة قال ليهو في واحد ماشي في الصحرا طلع ليهو تمساح من البحر قال ليهو عندك معجون قال ليهو ليه شايفني محامي

سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء

شايقى جاهو شحات فى عيد الضحية فقام الشايقىوقال ليهو:
اللحم اكلنا,والراس عملنا باسم, والكرعين كوارع,والجلد مصلاية,وكان فى طريقة(باااااااااااااااااع)ذاتها نعملها نغمة للموبايل

مسطول عجبتو بت في الحافلة لما نزل شال رقم الحافله

مسطول سأل صاحبو قال ليهو: الشيء البقول ناووو وبطير ده شنو؟ قال: كديسة وشايتنها شلوت!!

واحد عندو غنماية ضعيييييييييييفه وداها السوق عشان يبيعا .. اول ما دخل السوق لاقاو تاجر سألو الغنماية دي ادوك فيها كم ؟ الزول قال ليو ادوني فيها 750 الف .. الغنماية دنقرت راسا و قعدت تضحك

فار اتزوج دودة ام اربعة واربعين طلقها عشان قروش الحنانه !

اتنين مساطيل حضرو ليهم حادث انقلاب بوكسي
بقى واحد فيهم يمسك الزول ويقول ليهو
1+1 كم
وطاخ...يديهو كف
1+1 كم
وطاخ.. كف
التاني عاين ليهو كويس
وقال ليهو
هوي ما تكفتن ساي
يمكن بليدين

المسطول مربى ليهو قرد فى البيت .. القرد صاحبنا عيان راقد فى المستشفى، جا المسطول

محمدعمرمحمدالشيخ تاي الله
07-28-2010, 10:22 AM
الصباح يسال الدكتور من صحة القرد..
الدكتور (ضارب سجارة الصباح): واللهى يا عمك القرد ده بين الحياة والموز ..


المسطول مشى للدكتور يشتكي من الصداع فسأله الدكتور انت لما تكون نايم بيكون الشباك مفتوح او مقفول؟ المسطول قال ليهو مقفول .. قام الدكتور قال ليهو سيبوا مفتوح ونوم .. اليوم التاني جاء صاحبنا فساله الدكتور راح الصداع ؟؟؟؟
قال ليهو ه الصداع راح والمكيف راح والثلاجة راحت..

مسطول دخل مطعم .. قال للجرسون:" عايز واحد فول .. بس يكون من غير سلطة
الجرسون قال ليه:" السلطة الخضراء العندنا شطبت ما عندنا غير سلطة طحينة
المسطول قال ليه:"ما فى مشكلة .. طيب أعمله من غير سلطة طحينة..

قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة؟
قالت ليهو : أسماء
قال ليها يعنى مافى اسم محدد..!!!!!!!!!!!

مساطيل إحدي القرى على طريق مدني - الخرطوم
اخترعوا يلعبوا في شارع الزلط لعبة البتطقة العربية مرتين يطلع برة ...

مساطيل بيتسطلوا جنب خزان سنار .. واحد وقع جوه الخزان .. التاني مشى يستناهو جنب الماسوره..

بشير الدسيس
07-29-2010, 03:02 PM
ياود النور شكلك قعدت مع محمد التجاني كتير

معتز النور
07-29-2010, 04:02 PM
محمد التيجانى رباطابى درجه تانيه يا بشير

عوض الله جابر كامل
08-05-2010, 08:17 PM
قالو المريخ اشتكاء فريق الجيش عارفين ليه قالو ناس الجيش لعبو لولاء معاش

تخريمة عارفه بايخة و......................... كيف

معتز النور
08-07-2010, 11:31 PM
قال أعرابي للقاضي إياس بن معاوية: لو كنت أكلت التمر هل تجلدني؟ قال: لا،
قال: لو شربت الماء هل تجلدني؟ قال: لا،
قال: فشراب النبيد منها فكيف يكون حراما ويجلد شاربها؟
قال اياس: لو ضربتك بالتراب على رأسك هل يوجعك؟ قال: لا،
قال: لو صببت عليك قدرا من الماء هل ينكسر رأسك؟ قال: لا، قال: لو مزجت الماء والتراب و صنعت منها طابوقة صلبة وضربت بها رأسك كيف يكون، قال: ينكسر الرأس، قال اياس: كذلك النبيذ.


قال أعرابي لأحد الكبار:
ـ لم لا تدعوني لدعوتك؟
قال: لأنك جيد المضغ، شديد البلع، اذا أكلت لقمة هيأت أخرى!
قال: أتريدني أن أصلي ركعتين بين اللقمة وأختها؟!

أتى سائل دار رجل غني فسأله شيئا، فنادى صاحب البيت عبده وقال: يا جوهر قل لقنبر وليقل قنبر لبلال وليقل بلال لعنبر وليقل عنبر اهذا السائل: يرزقك الله.
فلما سمع السائل رفع يديه الى السماء وقال: الهي قل لجبرئيل أن يقول لميكائيل، وميكائيا يقول للاسرافيل واسرافيل يقول لعزرائيل ليقبض روح هذا البخيل.

جلس أعمى وبصير معاً يأكلان تمرا في ليلة مظلمة، فقال الأعمى أنا لا أرى، ولكن لعن الله من يأكل اثنتين اثنتين. وعندما انتها التمر كان نوى الأعمى أكثر من نوى البصير فقال البصير: كيف يكون نواك أكثر من نواي؟ فلقال الأعمى: لأني أكل ثلاثا! فقال البصير: أما قلت: لعن الله من يأكل ثنتيت ثنتين؟ قال: بلى! ولكني لم أقل ثلاثا!

نادية عكام
08-16-2010, 10:11 PM
من طرائف أعراب العرب


(1)الموت فرحاً


قيل لأعرابي : أتحب أن تموت امرأتك ؟
قال : لا
قيل : ولم ؟
قال : أخاف أن أموت من الفرح ..






(2)أسماء الأقفال


التقى أعرابي بقوم فسألهم عن أسمائهم ، فقال الأول :
اسمي وثيق '
وقال الثاني : اسمي ' ثابت '
وقال الثالث : اسمي ' شديد '
وقال الرابع : اسمي ' منيع '
فقال الأعرابي :
ما أظن الأقفال صنعت إلا من أسمائكم


(3) بوس يد زوجتك ..!!


واحد يقول لمن حوله أوصيكم خيراً بزوجاتكم ولنتفق أن

يقبل كل منا يد زوجته عندما يعود للمنزل ..!!

قال احدهم : ولكن انا لم اتزوج ..!!

قال له : إذاً قبل يدك وجه وظهر ...



(4) ارفق بنفسك


قال : ' الحجاج ' لأعرابي كان يأكل بسرعة على مائدته :

ارفق بنفسك

فقال له الأعرابي :

وأنت ... اخفض من بصرك



(5) إيش ذنب الذين معك ؟


صلى أعرابي مع قوم ، فقرأ الإمام :

( قل ارأيتم إن أهلكني الله ومن معي أو رحمنا ) فقال الأعرابي :

أهلكك الله وحدك ، إيش ذنب الذين معك ؟ فقطع القوم الصلاة من

شدة الضحك .



(6) كأن أمه أرضعتك ....


حضر أعرابي إلى مائدة بعض الخلفاء ، فقدم جدي مشوي، فجعل

الأعرابي يسرع في أكله منه. فقال له الخليفة : أراك تأكله بتشفي كأن

أمه نطحتك ! فقال : أراك تشفق عليه كأن أمه أرضعتك !


(7 ) ليتها كانت القاضية .....


عاد أحد الأعراب نحويا ، فسأل عما يشكو . فقال النحوي : حمى

جاسية ، نارها حاميه ، منها الأعضاء واهية ، والعظام بالية .

فقال الأعرابي : لا شفاك الله بعافية ، يا ليتها كانت القاضية ..



(8) خرق وترقيع ....


قيل لأعرابي : كيف أنت في دينك ؟ قال : أخرقه بالمعاصي

وأرقعه بالاستغفار

لكم التحية

عوض الله جابر كامل
08-20-2010, 12:50 PM
والله دا كلام جميل وحكم روعه تشكر

محمدعمرمحمدالشيخ تاي الله
08-22-2010, 09:46 PM
بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

***ندل أبوه طرده من البيت كتب على البيت مقر تنظيم القاعدة
***مسطول متفلسف سألوة
إنتربول يعني شنو؟ قال ليهم يعيني كفر جواني
***مسطول بيضرب بوهية قالو ليهو خت جريدة تحتك
قال: لا لا كدة محصل
***سواق حافله مسطول الكمساري قال ليه: اللستك نزل, قال
ليهو: ما تشيل منو
**مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين **مسطول مرتو ماتت قالوا ليه :نديك اختها قال:دي نسابة ولا شركة تأمين
**دنقلاويه فتحت جواز راجلها لقت مكتوب رجل اعمال
مسحت اعمال وكتبت عوضيه
**مسطول عجبتو بت في الحافلة لما
نزل شال رقم الحافله
• مسطول سأل بتاع صيدلية : عندك شريط بندول ؟ رد : نعم ، قاليهو المسطول : كدي شغلو!!

• اثنين مساطيل واحد سأل الثاني قال ليهو: تفتكر يوم الجمعة بوافق أول الشهر؟ رد عليهو قال ليهو: والله لو ضغطنا عليهو يمكن يوافق!!
• مسطول إتقدم لواحدة أهلها سالوه :شغال شنو !!؟ قال الصباح مع اخوي وبالمسا مركلس سالوه طيب اخوك شغال شنو !!؟ قال ليهم : بالصباح مركلس وبالمسا معاى
• مسطول مشى يعزى وهو متأثر شديد، وهو طالع قال لأخو الميت: يعنى مافى امل؟
• مسطول نسي المفتاح جوه ا لسيارة ، جا واحد فتح ليه الباب بي سلك قام المسطول عمل نسخه من السلك
مسطول جابو ليه فاتورة الموية لقاها 2 مليون قال خلي بالك الجماعة ديل دخلو مطرة امبارح كلها في حسابي

مسطول واقف جنب البحر في الجريف بعد ما سطل شاف البحر ماشي عكس قاليهم:
لو اتكلمنا تقولو مساطيل و لو سكتنا مدني بتغرق

واحد مسطول راكب عربية في عز الشتاء
شايل معاه عيش حااار في الكنبة الورا
حاول يشيل عيشة ما لحق
عشق خلف..

محمدعمرمحمدالشيخ تاي الله
08-22-2010, 09:46 PM
مسطول لقي نفسه قدام نمر ما عرف يتصرف قال ليهو : أكلني تاكل السم..

مسطول سألوه في لقاء تلفزيوني عن سبب سخانه الجو اليومين ديل؟؟
رد قال : ده كلو من مشجعين الكوره .. شغالين يقولو فوق فوق سودانا فوق لمن تكلونا مع الشمس..

مسطول ساكن جارو انصار سنة كل يوم كره ليك المسطول ،الصلاة السجاير حرام
يوم انصار السنة عازم اصحابو غدا جو طالعين بعد الغداء وكانوا كلهم اربعة في اربعة
المسطول قال ليهم اقعدو اسمنوا انتو وضعفوا لينا في الاحاديث.

واحد مسطول في قسم الشرطة صدم 15 زول بسيارة
الضابط قاليهو : دا شنو العملتو دا يازول
قال: انا كنت سايق في الشارع .. فراملي فكت وفجا ظهر لي زول قدامي، صيوان عرس
علي يميني و اولاد صغار علي شمالي.
الظابط قاليهو : طيب ماكان تصدم الزول البراهو.
قال ليهو: انا زاااتي قلته كدة ... لكن هو جري دخل بيت العرس..

مسطول قبضوا بالبنقوا ودوهو للقاضي يحكم عليه القاضي قال ليو جيب عشرة كلمات تبدأ بحرف الباء بديك براءه قاليو بجيبه ,بختها ,بفتفته,بنظفه’,بلفها.بولعها,بشربه,بنسطل ,بتكييف,بنوم..

واحد مسطول راقد فى السرير وبعاين للشماعه بتاعت الهدوم
فجاء الهدوم وقعت قال الحمد لله الماكنت جواها..

اتنين مساطيل قاعدين في برندة عاملين بالسجارة ون تو (واحد يشيل نفس و اديها للتاني)
لما السجارة طلعت في النخاشيش وكدا واحد شاف الزنكي بتاع السقف بمشي و بجي زي بندول الساعة فسأل التاني و قال ليهو انتا الزنكي دا بمشي و بجي كدا مالو؟؟ قال ليهو شغال اوضة و برندة .

مسطول بيغازل فى مرتو قال ليها وين يا حمامة قالت ليهو انا ما حمامة انا غزالة قال ليها المهم حيوانة

مسطول قاعد يغش من مصري في امتحان انجليزي……
المصري قاليه: انئل دي.....المسطول كتب
…..nld ...

مسطوول شديد نسى اسمو دقا باب بيتوم
فتحت امو قالت ليهو محمد؟
قال ليها
ايوااااااااااا
اتنين مساطيل بيتكلموا عن قرار المحكمة الجنائية
الاول قال للتاني: مفروض الحكومة تسلم البشير للمحكمة ..
التاني قاليهو: لكن الحكومة دي ما مشتركة في المحكمة ..
رد الاول: ياخ الكيزان ديل مجانين والا شنو!! هسي نحنا مشتركين في النظام العام .. ما كل يوم قابضننا ومطقطقننا ..

رباطابي سايق عربتو ومستعجل جدا ,أها في تقاطع من التقاطعات السخيفه ديك الإشارة قلبت أحمر مع وصولو وطبعا ناس المرور ما مقصرين .. عاملنها ليكـ من 99 .صاحبكـ داير ياكلا ويعدي في آخر لحظة شاف عسكري واقف صرا وشو عاين لي ال99 في الإشارة مساااااافه
وقال ليها .. إن شاء الله تدخلي طب

مسطول دخل البيت وبدون سبب طلق مرتو
ولما السطله فكت ندم عليها وقاعد يقول يااااسيدى الحسن رجع لى المره دى
وفى اللحظه ديك جات مارقه من تحت السرير وقاعده تقول : ياالحسن ماتلزنى بطلع براى .. ياالحسن ماتلزنى بطلع براى

رباطابي عرس مرا شينة .. قالت ليهو فسحني وديني جنينة الحيوانات قال ليها كويس .. منها فسحة ومنها صلة رحم
رباطابي عرّس واول ما انفرد بالعروس بقى يتلفت ماعندو موضوع شاف ضب في الحيطه سال العروس قال ليها انتي ده ضبكم ؟ العروس قالت:- لا ده جا في الســيره

محمدعمرمحمدالشيخ تاي الله
08-22-2010, 09:47 PM
واحد مسطول بيدعى ربنا 15 سنة يرزقه ولد
في النهاية ظهر ليهو زول في المنام قاليهو عرّس اول
مسطووول بيصنع خلطة سرية للتخلص من النمل
(أخلط قطع رخام صغيرة مع فلفل أسود وسكر)
يأتي النمل ليأكل السكر فيعطس من رائحة الفلفل فيرتطم رأسه بالرخام فيموت

اتنين رباطاب جعانين جوعة شديدة ما لاقين ياكلو عملو زيارة لواحد قريبهم جاب ليهم ضلعتين واحدة كبيرة وواحدة صغيرة قام واحد شال الكبيرة التاني قال ليه انت راجل اناني الاول قال ليه انت لو محلي تعمل شنو التاني قال ليه كنت شلت الصغيرة الاول قال ليه ياها دي شيلها

قالوا في واحد زبون دايم لست العرقي وبعد ما وثقت فيه بقي يشيل منها بالدين, والدين كتر شديد وصاحبنا يماطل,والمرة زهجت شديد في الاخر قالت ليه ما عافية ليك حقي ..وشكيتك علي الله وبخلصو منك يوم القيامة
قال ليها كدا اقدري جيبي سيرة الكلام دا يوم القيامة

واحد عندو صلعه ليها ضل ,مسك شعر صاحبو زمن وقال ليهو: يا اخى ما تحول لى رصيد!!

مسطول بيوزع فى ورق فاضى فى السوق .. سالوه دا شنو ؟ قال دى منشورات .. قالوا ليهو دي فاضية !!
قال ليهم هو الجماعه ديل دايرين ليهم كتابة
في واحد محشش سألوه : مين أهم الشمس ولا القمر؟ رد: القمر طبعا ، سألوه ليه؟ قال: القمر بيطلع ينور لنا بالليل والدنيا ضلمة ، لكن الشمس تطلع بالنهار والدنيا منورة أصلا

محشش نزل الانتخابات, كتب تحت صورته: ( و عسى أن تكرهوا شيئا و هو خير لكم

واحد مسطول بصلي تلفونو رنه قام ردا و هو بصلي !قال ليه انت وين ؟ قال في التحيات لله

مسطول سايق تاكسى واحد وقفو قال ليهو: نادى الأسرة من فضلك
رد قاليهو ناديهم براك
في مسطول امو عيانه مشي يجيب ليها الدواء
امن رجع لقاها ماتت قال ليها دي حركه سخيفه منك
واحد بيحكي لرباطابي عن أنواع الثعابين، قال ليهو
في نوع مع عضّتو للزول بيخلّي أسنانو جوّه جسم الزول
الرباطابي: أها وكان لاقاهو زول تاني في نفس اللحظة؟
قال ليهو: ربّنا بيقوّم لو سنون جُداد وتااااني بيغرسن في جسم الزول التاني
الرباطابي: هو الشي ده دبيب وللا دبّاسة؟



مسطول قالو ليهو عادل إمام مات
قال ليهم الليله نكير الضحك شرطو

محمدعمرمحمدالشيخ تاي الله
08-22-2010, 09:49 PM
مسطول مشا يعزي جيرانو ولدن مات
دخل الخيمه شال الفاتحه وقعد
الزول القاعد جمبو قال ليهو كيف تشيل
الفاتحه انت ما عارف الناس ديل أقباط؟
المسطول قال والله أول ما إتذكرت انهم
أقباط كشحتهم ليك بي (قل يا ايها الكافرون
مسطول علق جلابيتة فى الشماعة

وقعت منو

قال دى سلامةالما كنت جواها



مسطول بيعمل تجربه فى ضبانه

مسكا وقال ليها طيرى طارت .

قطع ليها جناحينا

قال ليها طيرى ما طارت

كتب: واثبتت التجارب ان الذبابه لمن تقطع جناحيها

تفقد السمع


مسطول قالوا ليه: اقرا سوره الناس ..
قال ليهم ناس منو؟

عبدالسلام محمد سيداحمد
09-16-2010, 11:22 PM
والله كلام جميل يانادية بت عكام مليان حكم وأمثال تسلم يداكي

ابراهيم عطية بابكر
09-16-2010, 11:45 PM
بت عكام كل عام وانت بالف خير * شكرا جزيلا لك مع تحياتي لشخصك

معتز النور
09-18-2010, 10:24 AM
مشكوره ناديه عكام

معتز النور
09-19-2010, 03:30 PM
ماذا تعرف عن أشهر القادة العسكريين في الحرب العالمية الأولى؟
ـ كلهم ماتوا

إذا أعطاك احد برتقالة فماذا تقول له؟
أقول له قشرها

ماذا فعل الرومانيون بعد عبورهم البحر المتوسط؟
جففوا ملابسهم

أيهما أبعد استراليا أم القمر ولماذا؟
استراليا لأننا نشوف القمر بس ما نشوف استراليا

علي بابا ' هل هــو مذكر او مؤنث؟
مذكر طبعا لأنه لو كان مؤنث قلنا ' علي ماما

عرف كلا من : الفيزياء ... الكيمياء؟
الفيزيا ء : مركز الثقل في الرسوب
أما الكيمياء : فهي درس عديم اللون والطعم والرائحة قليل الذوبان في الدماغ

خمسة بنطلونات + خمسة قمصان + أربعة أحذية فما النتيجة؟
خمسة رجال فيهم واحد حافي

اذكر ثلاثة أنواع من السمك؟
ـ سمك مقلي , سمك مشوي , سمك مملح

أعط مثالا للأشياء التي لا تذوب في الماء؟
السمك

ادخل كلمة ' دام ' في جملة مفيدة؟
ذهبت 'المدام ' إلى السوق

ماذا تعرف عن البحر الميت؟
كان مريض قبل لا يموت-

سرق لصان عشرين ريالاً فما نصيب كل واحد منهما؟
ـ تقطع أيديهما

حول عبارة ' تذهب أمي الى السوق ' الى صيغة الماضي
' تذهب جدتي إلى السوق

ع الله ع عزيز خليفة
09-24-2010, 10:49 AM
* قطار كريمة وهو يدخل ابوحمد أحد الركاب يطل من الشباك ويسأل احد الرباطاب دى محطة وين ؟ دى ابوحمد يا خوى .
يعنى شنو ابوحمد ؟ مو راجلن لى كريمى .

* مر احد الباعة امام شباك قطار كريمة فى محطة ابوحمد وهو يحمل بيض فى قفة فسأله الراكب : البيض دا للبيع ؟

مو للبيع - دايرين نركضك فوقو ...



ن...و ...ا...ص...ل

يونس عادل
09-24-2010, 01:31 PM
بسم الله الرحمن الرحيم

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت بصوت مرتفع آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس

شيخ الدين عثمان
09-24-2010, 05:00 PM
قطار كريمه بعد وقف في محطه ابوحمد الشايقي نزل في المحطه وكانت الشمس في نص السماء وشاف ليهو رباطابي عارض ليهو جنازير في الارض وقام سال الرباطابي قال ليهو الجنازير للبيع ؟ الرباطابي قال ليهو راجيهن ينشفن

الفاتح عبدالرحمن محجوب
09-27-2010, 01:15 PM
عوض دكام + ابد داؤد من اشهر الشخصيات السودانية .. رحمهم الله

دكام كان مدير مستشفى الاسنان وشالوه من المنصب .. وجابو مدير جديد
واحد من اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام .. ياخوى ماضرتى جوه مابقدر ادخل ( بيقصد المدير الجديد )0
**************


قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور
قام قعد في طربيزة ومعاه مجموعة
جات الصينية الاولي عاين فيها لقاها فقهة (رقبة)..عاين للصينية التانية برضو لقي الضلع فقهة (الجماعة كانوا ضابحين خرفان كمية)التلتة برضو كدا
قام نادي العريس وقال ليهو اسمع يا خوي انتو ضابحين زرافة ولا شنو؟؟
***************************


قالو ابو داؤود مشى بيت فرح على اساس احياء حفل ،
لاكنه وجد الفنان القدير المرحوم / خضر بشير واقف على المسرح ويغنى
ومعروف المطرب خضر بشير انه ينفعل مع الغناء
عندما وصل ابو داؤود ووجد هذا المنظر سحب ليهو كرسى وقعد
يتفرج وهو زعلان جدا ، وكان امامه طفل واقف يشاهد فى المطرب خضر بشير
قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك
*************

مرة عوض دكام جاء داخل العيادة بتاعته لقى في كشف المرضى
اسم فتحي فرج الله لاعب المريخ زمان ... وبعدين ما كان شافو قبل كدا
طبعا فتحي فرج الله عيونو في نص راسو ) .المهم دكام عاوز يشوفو قام ناداهو أول واحد)
لما دخل عليه ، دكام اتخلع بي شناته ، كان متخيله نجم وجيه
قال ليهو انت فتحي؟ قال ليهو أيوة أنا فتحي
دكام رد بسرعة طيب فرج الله يكون كيف ؟؟؟
******************
ابوداؤد كان بغنى فى حفلة والصف الاول كان
كلو جكس حجم عائلىكلو واحدة اسمن من التانية
وبعد الاغنية الاولى قام الجماعة كوركو ليهو
بالله يا استاز فريع البان ...قام عاين ليهم وعاين
للصف الاول...وقال ليهم فريع البان كيف مع
شجر التبلدى بتاعكم دة

****************
عوض دكام قال فى واحد

مشى يقلع ضرسو فى مصر

الدكاترة قالوا ليه يا زول

ما عندكم دكاترة اسنان فى السودان

السودانى قال ليه فى دكاترة

بس الحكومة مانعانا نفتح خشمنا

***********************

عوض دكام قال جاتو واحدة

جميلة جميلة جميلة

قدر ما فتشها لا سوسة ولا صفار

ولا الم ولا التهاب لثة

قال ليها انتى ما عندك حاجة

مشكلتك شنو؟؟؟

قالت ليه عارفة بس جيتك تعمل لى فلجة

***********************
مره عوض دكام كان واقف في محطه البنزين
ومعهو زوجتو في العربيه الكل كان يعاين ومزهول بالجمال واللون الابيض اللامع دا
عوض دكام نزل من عربيتو وقال ليهم ياانتو ماشفتو ليكم سندوتش جبنة بالزيتون قبل كدا
**************
عوض دكام قبضوه ناس الدورية

وما بعرفوه

يا زول شايل شنو فى الضهرية؟؟؟

قال ليهم جنا حرام

يا زول نحن ما بنهظر

فتحو الضهرية لقو بيض

قالوا ليه انت بتلعب علينا؟؟؟

شايل جن جداد تقول جن حرام

قال ليهم وده ما جن حرام

شفتو ليكم ديك عقد ليه على جدادة؟؟
*****************

قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون

انتى يا اخوانا عرسكم ده خبر ولا شنو
*********************

ابوداود كان فى رحلة مره فى بورتسودان، بعدين الجماعة طبعا ضابحين ومهيصين وبعد الضبيحة قاموا جابو المرارة والشيه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب

قالو ليهو تعال يا عبد العزيز شوف المراره دى

قال لا ما عايز، انا مستنى الكمينة ديك تطلع
*******************
عوض دكام بقدم فى قعدة فيها على ابراهيم و زيدان ابراهيم اول ما بدأ على ابراهيم غنى تمساح اب كبلو الضارب الليه ،،، عوض دكام نطى لى طوالى قال ليهو التمساح الابلعك حسى دا وكت تماسيح زيدان عليك الله وسط الزهور متصور
************
قال ليك عوض دكام كان فى فراش بكا
وكان يوم رفع الفراش وعوض دكام مشى عشان يدفع فى الكشف

واحد من اصحابو قال ليهو انت يا عوض مفروض تدفع بالدولار
عوض دكام قال ليهو لية فارشين فى السوق الحر
*****************

في عيادته في بحري وهو يعالج احد المرضى
..وعنده تلفزيون في داخل العيادة وبدأت مباراة هلال مريخ
..ومعروف عنه انه لازم يحضرها في الاستاد
...خرج الى الصالة ووجد مجموعة كبيرة من المراجعين والمرضى
...واتلفت الى التلفزيون ورأى ان المباراة ستبدأ ...فالتفت الى المرضى قائلا

انتو عاوزين الجد ولا ابن عمو؟
انا من ما فتحت العيادة دي ما شفت واحد كتلو ضرس
امشو وتعالو بكره
وما في زول بيكتلو ضرس
ومن الطرائف التى يحكيها عبد العزيز محمد داؤود عن زوجته
الفاضلة فوزية محمد حسين انها ابان الفترة الاولى من زواجهما..
ظلت تسال عبد العزيز كحال اى عروسة جديده تود ان تعبر عن حرصها على زوجها..
تساله:عبد العزيز ماشى وين ؟؟
يقول: الاذاعة…
هى: وحتجى متين انشاء الله ؟؟؟
هو :بعد ساعتين..
و فى وقت اخر:عبد العزيز ماشى وين؟..
هو عندنا حفلة عرس فى امدرمان...
هى :وبتجى متين انشاء الله ؟؟؟
هو: بعد اربعة ساعات
..وهكذا من يوم لاخر..وفجاة بادرها يوما...تعالىانتى يا فوزية انا مؤجر منك عجلة!!!!!؟؟؟
*****************
في واحد مجنن أبو داؤود
كل ما يشوفو في حفلة أو قعدة
يقول ليهو يا أبو داؤود عليك الله
زهرة الروض .. الأغنية دي بترجعني
!!! عشرين سنة لي ورا
أبو داؤود زهج من الزول ده
يوم قال ليهو ياخي زهجتني ، أسمع إنت عمرك كم سنة ؟؟
أخونا قال أربعين سنة
أبوداؤود قال ليهو خلاص أنا بغنيها ليك مرتين
!!! عشان ترجع في بطن أمك ونرتاح منك ياخي
*************

في لقاء في التلفزيون مع ابو داؤود و فى فقره الاسئله الخفيفة
سأل مقدم البرنامج الفنان عبد العزيز داؤود عن اسامي بعض المشاهير
يعني لو ما كانو وصلو لي الوصلو ليهوالان كان حيطلعوا شنو .
قام المقدم سالوا عن محمد الامين , ابو داود قال ليهو شايل كورتو و قاعد جنب الجامع الكبير
*********************

ابوداؤود كان سايق عربيتو أشرت ليهو واحدة
متحنكشة دايرة تملح
وقف ليها وقام شغل شريط خاص بيهو أغنية نعيم
الدنيا وهي طبعاً
ما عارفة انها راكبة مع أبو داؤود في نص الأغنية سألها
بتعرفي الفنان
دا قالت ليهو فنان شنو دا حمار قال ليها قلت شنو قالت
ليهو قلت ليك
دا ما فنان دا عبارة عن حمار ياي ... أبو داؤود وقف العربية
ونزل مشى على الباب الراكبة جنبو فتحو
وقل ليها تنزلي والا ألفخك .


مره أبو داؤود والفنان البعيو عندهم حفلة فى أبوهشيم ، وعندالمغارب طلعوا يتمشوا وهم ماسكين بعض فشافهم شافع من الرباطاب من بعيد ، وبعد فتره الجماعة بسألو وين أبوداؤود قام الشافع قال ليهم والله شفتو شايل ليهو ابريق ومشا هناك .

المرحوم الدكتور عوض دكام ايضا ومما يحكى عنه انه فى ذات مره
كان فى عيادته فدخلت عليه امراه عجوز فاستغربت من هيأته
وقالت له (ياهو انت عوض دكام؟) فرد بالايجاب,
فقالت: كنت قايلاك سمين وحلبي.

فاجاب: ولقيتيني ازييييرق وعفين!!!

في واحدة من المرات قابل أبو داوود الفنان زيدان إبراهيم وسألو وقال ليهو :
يا أبو الزيك عارف أغنية الجدادة المفضلة شنو ؟؟؟
زيدان قال ليهو :
لا أبداً ..
أبو داوود قال ليهو :

أغنية في الليلة ديك !!!

يحكى ان د. عوض دكام - وكان راجل نضيف وبحب النضافة- كان مشاى مشوار مهم وكان قاشر فل سوت قامت صبت مطرة ساعتين واول ما المطرة وقفت طلع الشارع وعربيتو كانت بعيدة شوية من الباب والراجل خايف على جزمتو من الطين قام فجأة شاف ليهم اتنين خايجين الموية وماشين فى الشارع قام ناداهم (هوى يا شباب دقيقة)
قالو ليهو أيوه قال ليهم انتو جايين من وين ؟ قالو ليهو والله نحن شغالين طُلب قريب من هنا
قال ليهم طيب ياخى انا بس عايزكم تشيلونى من هنا وتركبونى العربية ديك وبدى كل واحد فيكم عشرة ألف
قالو ليهو جدا، المهم شالوه وختوهو فى العربية
قال ليهم: قلتو لى شغالين طُلب بهنا ، وبتاخدو كم فى اليوم ؟ قالو ليهو 15000 فى اليوم
قال ليهم طيب أنا حأدى كل واحد فيكم عشرين بس لو شكشكت تجو جارين.



قالوا أبو داود كان مشارك في حفل رسمي أيام النميري ، ومعاه عدد من الفنانين ، قام أبو داود قال لأحمد المصطفى كنقيب للفنانين ، يا أخي ما تكلم لينا الرئيس ده يطلّع لينا وردي من السجن . قام أحمد المصطفى قاليهو : أمشي انت اقعد جنبو وشوية شوية كلمو .. قام أبوداود جا قريب من النميري ، والنميري طلب منه أن يجلس علي الكرسي الجنبو وطلب منه أن يحكي له نكتة ، فحكا أبوداود وضحك النميري ، وحكى له أكثر من نكتة وأضحكه . فقال أبو داوود للنميري : ياريس ما تشوف لينا موضوع وردي ده . قام النميري رد بانفعال : وردي مالو؟
فقال أبوداوود : ما تعدموه تريحونا منّو يا ريس .
فضحك النميري ، وأمر بإطلاق سراح وردي ...

أبو داؤد، والكاشف، والفلاتية. عليهم رحمة الله.
حكى أبو داؤد لأبو العزائم الله يرحمو، إنهم
ذهبوا لإحيا حفلة في نيجيريا. قام قال كتبوا
ليهم أغنية نيجيرية بالحروف العربية وغنوها
مع بعض، والنيجيرين إتبسطو شديد جداً.
قام أبوالعزائم سأل أبو داؤد: الأغنية كلماتها
كانت بتتحدث عن شنو؟
أبو داؤد قال ليهو: أظن عن الحصاد.
أبو العزائم قال ليهو: يعني إنتو كُنتو عارفين
معنى كلماتها؟.
أبو داؤد قال ليهو: غايتو أنا والكاشف
ما عارفين، لكن عاشة الفلاتية بتكون كانت
عارفة...

أبوداؤود مسافر قطر - قابله صاحبه في المطار- قال ليه والله صدفة عجيبة- الحاجة ماشا تولد بتها ولا يهمك ساعدها لداخل الطائرةوأبو النسب بيستقبلك في المطار- دخل معاها والشنط ثقيلة هدت حيله وفي التفتيش طلعت مليئة حطب شي"شاف" وشي ما "شاف" وطلح وصندل وغيرها...وزهج من الحاجة والتعتيل ... وصل المطار خرج المصيبة أبو النسب تأخر عليه ... أصحاب أبو داؤود جو يأخذوه ... سلموا عليه ... وواحد عاين كده لقى الحاجة بجواره ...قال ليه: ده شنو يا أبو داؤود ... رد عليه ... دي .. دي ... دي ما حمالة الحطب !

ابو داؤؤد شغال عن واحد مديح تقيل والزول متلحهو زلابية وشاي سادة الليل كلو .
المهم في الاخر قام طلب منو مدحة اسد الله البضرع ..وطبعا هو زعلان شديد منو . قام رد عليهو يا زول انت ماك نصيح ولا شنو كمان الليلة اسد الله يضرع ليهو فوق زلابية ّ!


مرة أبوداؤد عامل حفلة في بيت عزابة في جدة
وطبعا المطوعين مانعين الحفلات والعزابة خائفين
ويكوركو لي بعض سكرو الباب, سكرو الشباك, قام
أبوداؤد قال ليهم سكرو الفنان في الأول

ابوداود استلف قرض من البنك وبعدي شوية خش في تلتلة
مع ناس البنك لقاية ما باع بعض حاجاته للسداد قال: استلفت
قرض من البنك عشان ابقي زي عزيز كافوري بقيت عزيز قوم ذل

ابوداؤود قال لي علي المك يا علي ياخ انا عايز امشي الحج
علي المك قال ليهو :
حج شنو يا اخينا!!! والله تمشي تتحاوم في الحرم الشريف يفتكروك الحجر الاسود يقوموا يتلموا فيك
الناس ديل يعفصوك وتتكسر حتة حتة.

ابوداود كان مدعو لاجتماع فني قال الاجتماع وين
قالو ليهو في بيت محمد نجيب(محمد نجيب محمد علي الشاعر العروف )
قال ليهم محمد نجيب دا زول مفلس وما بغدينا كويس احسن الاجتماع اكون عند فلان(زول ميسور الحال)
المهم الاجتماع انعقد في بيت محمد نجيب وفوجئ ابوداود بان الغداء في قمة الروعة والجداد ما ادي الدرب
ولمن قعدو للغداء دورت شكلة في الشارع جوار المنزل والصوت ارتفع الجماعة الفي الغداء قالو
الحاصل شنو ابوداود قال ليهم: ديل اهل الجداد جو
من المعروف في الحلفاية اخو عوض دكام بمسك محافييييييييير المقابر وبعدين في واحد اتوفي وجو اهلو للمقابر وسالو عن المحافير نط واحد قال ليهم عن ناس دكام في واحد شليق سمع دكام وما صدق وكان ايامها عوض دكام رحل جديد لعمارته الجديدة في الكيلو علي شارع المعونة بالحلفاية المهم صاحبنا قام ليك طيران والوقت متاخر من الليل متجه لعمارة عوض دكام وكان ساعتها في سابع نومة صحبنا وصل وقعد ادق في الباب بازعاج كدة لما صحي الدكتور وفتح ليهو الباب الشليق طوالي قال ليهو دايرين المحافير حقت المقابر قام عوض دكام من الزعل مسك ليك صاحبنا من رقبتو وقال ليهو ده حااااااال زول طاااااري ليهو موووووووووت وبأشر علي عمارتو
الا رحم الله الدكتور عوض دكام
حقيقة كانو عظماء وماتو عظماء.......................
اللهم لهم الرحمة والمغفرة بقدر مازرعو ابتسامة على الوجوه
؛؛؛ويبقى التواصل؛؛؛

عبدالعزيز محمد علي
09-27-2010, 01:50 PM
حقيقة من بيت الكلاوي .. محتاجين لمثل هذه القفشات
تشكر .. ومنتظرين

بشير الدسيس
09-27-2010, 10:09 PM
مشكووووووور يارائع

عادل أحمد عباس
09-27-2010, 10:26 PM
لك التحية الأخ الفاتح عبد الرحمن محجوب ، ومشكور على النكات الجميلة والأختيار الرائع للشخصيات ، ونأمل أن تتواصل .

معتز النور
10-02-2010, 02:57 PM
.
.
.
.
.
.
.
http://c.imagehost.org/0748/we3rb-68056546f3.jpg

معتز النور
10-02-2010, 03:00 PM
.
.
.
.
.
http://c.imagehost.org/0772/3_4.jpg

معتز النور
10-02-2010, 03:59 PM
- ركب أحد طلبة العلم مع الشيخ الألباني رحمه الله في سيارته و كان الشيخ يسرع في السير .


فقال له الطالب : خفف يا شيخ فإن الشيخ ابن باز يرى أن تجاوز السرعة إلقاء بالنفس إلى التهلكة . فقال الشيخ الألباني رحمه الله: هذه فتوى من لم يجرب فن القيادة .

فقال الطالب : هل أخبر الشيخ ابن باز .
قال الألباني : أخبره .
فلما حدث الطالب الشيخ ابن باز رحمه الله بما قال الشيخ الألباني ضحك وقال : قل له هذه فتوى من لم يجرب دفع الديات
------------------------------------------
2- يقول أحد طلبة العلم....
من الأجوبة اللطيفة التي سمعتها عن سؤال يقول فيه صاحبه انه متزوج ويريد الزواج بالثانية بنية اعفاف فتاة فقال لها الشيخ ابن عثيمين اعط المال لشاب فقير يتزوجها وتأخذ اجرالاثنين?
-------------------------------------------


3- ومما نُقل عن الشيخ ابن عثيمين رحمه الله تعالى هذه المواقف :
قابله أحدهم في المستشفى ،
فسأله : ماذا تفعل هنا يا فضيلة الشيخ ؟.
قالالشيخ : أحلل السكر .
فقال السائل : كلنا نعرف أن السكر حلال ، ابحث لنا عن شيء آخر وحلله لنا .
-----------------------------------------
4- وسأل ابن عثيمين أحدهم : ما يفعل الشخص بعد أن ينتهي من الدعاء؟ .
فرد الشيخ : ينزل يديه...!!
-----------------------------------------
5- وكان الشيخ ابن عثيمين يلقي درساً في باب النكاح عن عيوب النساء، فسأله أحدهم : لو تزوجت ووجدت أن زوجتي ليس لها أسنان ، هل يبيح لي هذا العيب فسخ النكاح؟؟..
فقال الشيخ : هذه امرأة جيدة ، لإنها لا يمكن أن تعضك..!!
-----------------------------------------
6- كان الشيخ ابن عثيمين في مكة ذات يوم راكبا تاكسي .. والظاهر أنالمشوار كان طويلا , فأراد سائق التاكسي أن يتعرف -ولم يكن يعرف الشيخ- فقال : ماتعرفنا على الاسم الكريم يا شيخ ؟ فرد الشيخ : محمد بن صالح بن عثيمين …فرد السائق :تشرفنا , معك عبدالعزيز بن باز <-- السواق يحسبه يمزح .. هنا ضحك الشيخ , وقال : ابن باز أعمى كيف يسوق تاكسي ؟…فرد السائق: ابن عثيمين في نجد وش اللي يجيبه هنا , تمزح معي أنت ؟ هنا ضحك الشيخ , و أفهمه أنه بالفعل ابن عثيمين

محمدعمرمحمدالشيخ تاي الله
10-03-2010, 10:34 AM
ولد سأل أبوه المسطول
قال ليه : يا أبوي إنت يوم الإتنين الفات كان إجازة ليه ؟
رد عليه : والله ياولدي أظنه صادف يوم جمعة

محمدعمرمحمدالشيخ تاي الله
10-03-2010, 10:35 AM
واحد مسطول سألوه الفرق شنو بين الركشة والكارو ؟
قاليهم الكارو الحمار بي برة
لكن الركشة الحمار بي جوة

محمدعمرمحمدالشيخ تاي الله
10-03-2010, 10:37 AM
واحد مسطول سألوه مالك زعلان ولا شنو ؟ قاليهم لا بس الوالد شوية متوفي

مسطول مشى لندن، لما رجع سألو صاحبو عن البلد هناك. قاليهو: تمام لكن المحيرني حتى الشفع بتكلمو انجليزي


واحد بيسطل مع مرتو في البيت، الباب دقه قالت ليهو: سجمي راجلي جاء
قام تلب بالحيطة

محمدعمرمحمدالشيخ تاي الله
10-03-2010, 10:38 AM
مسطول سال مسطول عن وجه الشبه
بين واحد واقع من الطابق الثامن وعسل النحل ؟
رد عليه : الاثنين بتلحسوا

محمدعمرمحمدالشيخ تاي الله
10-03-2010, 10:39 AM
دكتور قال لمسطول ولدك ده متسمم بحليب مدته منتهيه
قال ليه صاح رضعتوا حبوبتو


في الحافلة فجأة شريط المسجل وقف المسطول سأل الراكب جنبو: اسمع يا أخي وداللمين ده نزل ولاشنو؟

محمدعمرمحمدالشيخ تاي الله
10-03-2010, 10:42 AM
مسطول وقفه المدرس وقلو اكتب رقم11 كتب واحد وقل للمدرس الواحد الثاني علي اليمين والا اليسار


مسطول ساكن جارو انصار سنة اها كل يوم كره ليك المسطول ،الصلاة السجاير حرام يوم انصار السنة عازم اصحابو غدا اها جو طالعين بعد الغداء وكانوا كلهم اربعةفي اربعةالمسطول قال ليهم اقعدو اسمنوا انتو وضعفوا لينا في الاحاديث

محمدعمرمحمدالشيخ تاي الله
10-03-2010, 10:44 AM
اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير )قام المسطول سأل التاني ( لا حولا دي مسطرة شنو الطويلة دي؟ )رد التاني : أكيد دي يكون سيف الجامعة البيقولوه دا


ماذا يخطر في بالك؟مسطول طوالي بيمشي دار الرياضة أم درمان و يقرأ السبورة المكتوب فيها المباريات قبل يخش الكورة ,يوم مع السطلة القوية شديد بدل دار الرياضة دخل مستشفي الدايات بالغلط و شاف سبورة مكتوب عليها التطعيم ضد الجدري قال و الله ناس شداد ديل بقوا يجيبوا لينا أسماء فرق عجيبة خلاص

محمدعمرمحمدالشيخ تاي الله
10-03-2010, 10:45 AM
قالوا مسطول بعد احداث امدرمان الاخيرة شاف عربية بوليس وقام جاري.. البوليس شافوا قام سكاهو... ولمن مسكو سالو: 'يا زول في شنو؟'.قال ليهم: 'ما في شي'.
سالو البوليس: 'طيب بتجري مالك؟'
قال ليهم: 'ما يمكن يكون في شي'!!

محمدعمرمحمدالشيخ تاي الله
10-03-2010, 10:47 AM
نكات سودانية مسطول مرتو قالت ليهو:'وأنا بصلي الكديسة أكلت عشاك.. قمت دقيتها قامت جارية'.قال ليها: 'ما مشكلة بكرة بجيب ليك كديسة تانية'!!

معتز النور
10-06-2010, 10:05 AM
اندلعت النار في بيت مواطن
فهرب بسرعة.. وشاهد الناس قد التموا، ثم تذكر أن عائلته في الداخل، فدخل مغامراً بنفسه وخرج حاملا ابنه.
ثم دخل ثانية وخرج حاملا ابنته.
ثم دخل ثالثة وخرج حاملا زوجته وسط تصفيق الواقفين.
ثم دخل رابعة وخرج وليس معه شيئاً.
وتنفس الصعداء وعاد خامسة وخرج من النار وليس معه شيئا..
وهكذا دواليك.
فسأله الناس وقد شكوا انه أصيب بنوع من الجنون: شنو قصتك يا راجل ، داخل طالع وما في معك شيء؟

أجابهم وهو يلهث:


حماتي جوا .. وقاعد أقلبها على النار !!
مسكين الحموااااات بس دي بهدلتوا جنس بهدلة

معتز النور
10-06-2010, 10:11 AM
رباطابى سايق ليهو تاكسى فى المطار ركب معاه واحد من الخليجيين قال ليهو ودينى فندق الهيلتون.الزحمة حقت الشارع جابوا بى العمارات بى جوة الخليجى شاف عمارة التنمية .سألو ايش هذه البناية؟قال لى دى عمارة التنمية.فى كم تبنون هذى؟قال دى تلاتة سنة سلموها ليهم جاهزة.الخليجى:والله دى خمسطاشر يوم تصير عندنا.الرباطابى اكلها فى حشاه لكن قال ليه خمسطاشر يومك دى مزيرة ما بتوقفها.تانى الخليجى شاف برج سوداتل سألو ايش هذى البناية؟قال دى سوداتل.فىكم تبنون هذى ؟قال لىه دى على الطلاق سنتين سلموها ليهم بى ناس الهدف؟الخليجى:والله هذى عشرة ايام تصير عندنا.صاحبنا اتضايق جنس ضيق عشرة يوم دى طلبك بجو متين اسمنتيك وينو سيخك وينو.جايبو على الهيلتون كده شاف البرج بتاع بنك السودان.سألو ايش هذى البناية؟الرباطابى ما متضايق.قال ليهو ما بعرفها.الخليجى:ليش موش تشتغل هول.قال ليهو اى بشتغل هول لكن جبت لى مشوار سعت الفطور البناية دى مافى

معتز النور
10-06-2010, 10:18 AM
زيدان برضو لسانو طويل .. سمع انو جلال الصحافة هبشو بي كلام
مشى طوالى على بيتو ودق الباب
فتحت اخت جلال .. قال ليها نادي لي جلال
قالت ليهو مافي
قال ليها طيب نادي لي عمك الصحافة
البت اتخلعت
واصل: هو متين الصحافة دي قامت وجابت ليها ولد سمتو جلال يتجرأ ويهبش زيدان .. عاملين بيتكم الجالوص ده ان شاء الله تجي مطرة تفرتقو بعرة بعرة


********************

ثنائى العاصمة فى حفلة شغالين فى أغنية (( يا هلا يا هلا كبرو وشيلو الصلاة ...)) جاء واحد سكران
قال لهم بالله دى أغنية يغنوها نفرين أسى ؟؟
********************

ابوداؤد كان بيغنى فى حفلة والصف الاول كان جكس حجم عائلى
وبعد الاغنية الاولى قام الجماعة كوركو ليهو: بالله يا استاذ فريع البان ...
قام عاين ليهم وعاين للصف الاول ، وقال ليهم: فريع البان وين مع شجر التبلدى بتاعكم ده
********************
وبرضو مرة أبو داؤود كان سايق قام أشرت ليهو واحدة متحنكشة دايرة تملح..
وقف ليها وقام شغل شريط خاص بيهو أغنية نعيم الدنيا... وهي طبعاً ما عارفة انها راكبة مع أبو داؤود، في نص الأغنية سألها
بتعرفي الفنان دا؟.. قالت ليهو: فنان شنو دا حمار.. قال ليها: قلت شنو؟؟
قالت ليهو: قلت ليك دا ما فنان دا عبارة عن حمار ساي ...
أبو داؤود وقف العربية ونزل مشى على الباب الراكبة جنبو فتحو وقل ليها: تنزلي والا أرفسك
********************

حكي لنا الفنان الجميل محمد ميرغني عن طرائفه فقال: ذات مرة كنا ماشين أنا وصديقي السني الضي جوار عمارة التاكا، ومررنا بعدد من الطالبات وأنا كنت أسير أمام السني، فرأتني إحدي الطالبات وقالت شوفوا ده عثمان حسين، فنظرت اليها وأشرت الى السني وقلت لها ومعاي كمان أبو داؤود.
********************
قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور قام قعد في طربيزة ومعاه مجموعة جات الصينية الاولي عاين فيها لقاها فقهة (رقبة)..عاين للصينية التانية برضو لقي الضلع فقهة (الجماعة كانوا ضابحين خرفان كمية)التلتة برضو كدا قام نادي العريس وقال ليهو اسمع يا خوي انتو ضابحين زرافة ولا شنو؟؟
********************
قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس ....وفي الصباح ابو داؤود بتسوك في الماسورة جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدى.. قال ليها والله ياحاجة العتب على النظر
********************
قالو ابو داؤود مشى بيت فرح على اساس احياء حفل ،
لاكنه وجد الفنان القدير المرحوم / خضر بشير واقف على المسرح ويغنى
ومعروف المطرب خضر بشير انه ينفعل مع الغناء
عندما وصل ابو داؤود ووجد هذا المنظر سحب ليهو كرسى وقعد
يتفرج وهو زعلان جدا ، وكان امامه طفل واقف يشاهد فى المطرب خضر بشير
قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك

عمار محمد ابراهيم نصار
10-06-2010, 10:24 AM
هههههههههههههههههه
جننو جن القطيم

معتز النور
10-06-2010, 10:49 AM
يا ولدي امتحاناتك قربت وقدامك طريقين : اما تنجح او ترسب ..
اذا نجحت خير وبركه ، اما اذا رسبت فقدامك طريقين :
اما تصيع في الشوارع او تسجل في العسكريه .. اذا صعت ما يخالف ،
اما اذا دشيت العسكريه فعندك خيارين :
اما الشرطه او الجيش .. اذا اخترت الشرطه خير وبركه ، اما اذا اخترت الجيش فقدامك خيارين :
اما يوزعونك في القوات الاحتياطيه او على الجبهه .. القوات الاحتياطيه خير ونعمه ،
اما اذا حطوك على الجبهه فعندك احتمالين :
اما ترد بالسلامه او تنلعن بقذيفه .. اذا رجعت خير وبركه ، اما اذا ضربتك قذيفه فقدامك طريقين :
اما تشفى او تموت .. اذا شفيت احمد ربك ، اما اذا مت فقدامك طريقين :
اما تاكلك الكلاب او تتعفن .. اذا اكلتك الكلاب خير وبركه ، اما اذا عفنت فقدامك طريقين :
اما تتحول غاز طبيعي او نفط .. اذا صرت غاز خير وبركه ، واذا تحولت نفط فقدامك طريقين :
اما يصدرونك نفط خام او يكررونك في مصفات نفط .. اذا صدروك خير وبركه ،
اما اذا بيكررونك فقدامك طريقين :
اما يحولونك زيت شل او مواد تنظيف ، اذا صرت زيت خير ونعمه ،
اما اذا حولوك مواد تنظيف فقدامك طريقين :
اما تصير صابون او تصير ملطف الشعر ...
وأخرتها في مياه الصرف ..
لا من شاف و لا من دري بيك

مبارك عمر
10-06-2010, 12:19 PM
تسلم اخونه معتز

ع الله ع عزيز خليفة
10-29-2010, 10:41 AM
نكات سودانية ميه الميه






**
رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى

ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟



** رباطابى عنده لورى مسافر بيه وفى الطريق اللورى اتقلب قام جاء واحد شايقى ماشى قام سأل الرباطابى قال ليهو يا زول انت اللورى ده اتقلب قام الرباطابى قال ليهو لا أنا متاكيهو عشان أقعد فى ضله



**
رباطابي خنق فى الاكل قال لبنتة ادينى موية قالت ليه شراب يا ابوي؟ قال ليها لا كبسولات



**
عربى مسافر بالباص أول مرة قام الباص انقلب والناس بقت زى الطماطم المعفصة الا العربى دة قام يتنفض وداير يلبس مراكيبه ويمشى قام جاهو البوليس قال ليه يا زول انت كنت فى الباص الاتقلب دة قام العربى قال ليه هو الباص اتقلب ؟ قام البوليس قال ليهو ونان انت قايل شنو ؟قام العربى قال ليهو والله أنا قايل لمن يصلوا بكبوهم كدى



**
واحد عرابى جا الى الخرطوم , وقم ولده سالقو الكوفير. وفى الكوفير لقى تمثال لابس ملابس للعرض سلم عليه ولده قال ليه يابوى دا تمثال ولما جاوا مارقين لقى خواجا قاعد فى كرسى وعنده صلعة قام العربى ضربه فى الصلعة وقال يا ولدى دا ما فضل ليه الا الكلام



**
ادروب شغال بيحرس مخزن بتاع دقيق يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة . الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكةتشيل دقيق تودى جنوب



**
كان يوجد إثنان تنابل ( كسلانين جداً ) عايزين يغيرو لمبة النورالمصباح الكهربائي الذي كان لديهم فرفعه الاول على كتفه حتى يفك المصباح وبعد فترة سأل الاول الثاني لماذا لم تفك المصباح فأجابه إني أنتظرك أن تدور بي كي ينفك المصباح



**
مرة سافر اثنين حلفاويين إلى نيويورك وسكنوا في عمارة 200 دور في الدور الأخير وكانو دائما يصعدوا على السلم لجهلهم إستخدام المصعد فقرروا في يوم من الأيام أن يذهبوا إلى السوق لشراء متطلبات الأسبوع من الأكل لتفادي التعب وعند رجوعهم إلى البيت وهم يصعدوا كانوا يعدو الطوابق حتى الطابق 199 عندها قال واحد منهم للتانى: اوثمان( يعنى عثمان) عندي لك خبرين واحد زين والثاني مو زين. قال له الثانى هات أخبارك. قال الاول: الخبر الزين انه فاضل لنا دور و نوصل و الخبر اللي مو زين العمارة موش بتاعنا !!!



**
واحد سأل الثانىه : وين بتشتغل ،قال الثانى : والله انا عاطل ،قال الاول : كويس .. أخير من قعاد ساكت



**
قالوا في واحدة جنها تلبس اسكيرت ابو خطوة وحبوبتها ماراضية.يوم البت قالت لحبوبتا ارح الحديقة الحبوبة قالت ليها باسكيرتيك دا ماماشة الا تخيتيهو البت قالت يا حبوبة دي الموضة. وهم ماشين في الحديقة جا ولد ماشي وقال للبت شرط .الحبوبة قالت ليها ماقلت ليكي خيطيهو



**
في واحد اعور غمز للبت بعينو الكويسة قام دقش عمود الكهربا




**
واحد رباطابى رسلو ليهو جزمه جميله هديه قام سافر بيها الخرطوم وهناك انشرطت وداها لبتاع الجزم يخيطهاوقال ليهو مستعجل صاحبنا قال بعشرين الف جنيه قام الرباطابى قال ليهو ليه أ صلو بتخيطا بى بنج؟



**
رباطابي راكب حافلة 00جا ينزل طقطق للكمساري00الكمساري قال ليه داير تنزل الرباطابي قال ليه :لا بدور أجاوب



**
واحد أدروب سافر من بورتسودان للخرطوم عشان يشتغل تجاره وخلى مرتو حامل فى الشهر الاخير. حاول يتوسع فى البزنس كتب شيكات وأشترى بضاعه كتيره لكن الحكايه طرشقت معاهو وشيكاتو طارت ، دخلوه السجن 6 شهور، وهو هناك كلموأخوهو بالتلفون وقال ليهو مبروك جابو ليك ولد وقلنا نسميهو (أوشيك) قام أدروب اتنفض زى المجنون وقال ليهو (لالالا كل شيى ولا الشيك، سموهو أوكاِش)



**
واحد قال للتاني: أديك سفه؟ رد عليه التاني: ما شفتو (فهمهاهل الديك سفه؟)



**
واحد ادروب سافر الى كسلا بحافلة جديدة لنج والسواق من قام لحدى ما وصل مشغل اذاعة القران وصاحبنا الشغلة دى ما ركبت ليو فى راسوا ولما وصل سالة احد اقربائه جيت بشنوا فرد عليه , جيت بالجامع ده



**
واحد قرايبنا لأول مرة يدخل المستشفى وكانت حرارته عالية جداً جداً 00 المهم الدكتور قام دخّل ليهو الثيرمومتر في خشمه 00 قام قريبنا قال ليهو 00 مص وللا أقرشه يا دكتور




**
واحد جعلي وشايقي قالوا لي بعض الليلة نتباطن الجعلى قال ليهوا انا اول بعدين الشايقي نزل في الجعلى جلد لحدي وصل عشرة بعدين لمن جاء دور الشايقي الجعلي رجع لى ورة ورفع الصوت فوق شديد ومن اول صوت الشايقي قال تسعة



**
مرة واحد مسطول قاعد جنب موية المطرة ومبسوط جداً من منظر الموية الكتيرة , قام جاء واحد راكب عربية عاوز يعدي في الموية وخايف وسأل المسطول هل ممكن أعدي ؟ ورد عليه المسطول طبعاً مافي مشكلة . ولما مشى شويه العربية غرقت وطلع منها السواق زعلان من المسطول وقال ليهو ماقلت مافي مشكلة , رد عليه المسطول والله حسي دي جات بطة مشت عديل


**
واحد مسطول شاف واحد عندو شامة كبيرة فوق عينو الشمال, قاليهو بالله عليك دي عين ولا غين . ها ها ها



**
واحد سوداني عنده كلب سماه أسمر 00 لكن الراجل بعد فترة اتألم لما سمع بأغنية اسمر لمحمد الأمين 00 المهم حاول يغيّر اسم الكلب لكن ناس الحي كانوا مصرين ينادون الكلب بأسمر 00 الراجل قابل محمد الأمين قال ليهو والله أنا معجب بيك جداً جداً وعاوز اليوم اعتذر ليك عن خطأ كبير جداً 00 ود المين قال ليهو في شنو يعني ؟؟ الراجل قال ليهو والله عندي كلب اسمه اسمر وقدر ما أحاول أغيّر اسمه ناس الحي دايماً ينادونه اسمر اسمر وانا الآن محتار جداً عاوزك تحل المشكلة 00 قام محمد الأمين سأله انت اسمك منو ؟؟ قام الراجل قال ليهو انا اسمي سيد أحمد 00 قام ود الأمين قال ليهو : خلاص ياخي اترك كلبك اسمه اسمر في مكانه وأنا حا أغيّر الأغنية اسميها { كلب سيد أحمد }



**
واحد خياط عرس مرة طويلة.....بعد مدة زهج منها...قام كفاها



**
واحد مسطلاتي عاطل ساكن مع ضابط جيش في يوم قرأ عن وظيفة وكان لازم يصحى الصباح بدري عشان المعاينة قام وصى الغفير يصحيه ،الصباح لمن صحاه الغفير قام باستعجال لبس ومرق في الشارع لاحظ انو العساكر بحيهو واستغرب جدا بعد شوية عاين لهدومو لقاه هدوم جيش قام قال: بالله شوف الغفير المغفل ده أقول ليهو صحيني يصحي الضابط. قديمة لكن عليكم الله تضحكوا




**
واحد من الحناكيش شاف سحلية ٌقال :ياي تمساح



**
واحد رباطابي لابس نظارة لاقاهو شافع في الشارع قاليهو :يا أبنظارة نظارتك دي نظر قاليهو لأ!!!شم



**
واحد موظف حالته تعبانه زوجته ولدت ،الدكتور قال ليه:شوف ليك مرضعة لولدك لأن زوجتك عندها مشكلة فى ادرار اللبن،بعد بحث مضنى زوجته وجدت مرضعةواتفقت معاها،زوجها سألهااتفقتى معاها بكم؟قالت ليه:غايتو بعد تعب اتفقنا على أربعين ألف،قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا



**
قال ليك البت جنها غنا و ابوها حارقاهو الشغلانة دي خالص يا بت ماتغنى وزولتك مطنشاه و تغنى ساكت قام ابوها اشتكا لجدها يا ابوى البت دي جننتى طول اليوم تغى تغنى ابوهو قاليهو يا ولدي خلها التغني مادام فى البيت المهم العربى رجع بيتو لقى البت تكنس فى الحوش و شغالة غنا ساى " جيتو وما لقيتو و جاني ما لقانى ..جيتو وما لقيتو وجاني و ما لقانى" و قال ليها ابو ها و هو ميت من الغيظ هسة يابت لو قلتى اتعقبنا ساي ما كان اخير



** زمان كان البورة للبنات بس لكن هسة البورة لاتنين (للبنات وللمغتربين في السعودية) والله لينا




** في واحد كان راكب الحافلة والحافله خلاص اتملت ومافي مكان وعمناده كان راكب مع الباب بعدين جاء واحد شاب وقال ليه يا حاج الحافله دي ماشه وين قال ليه يا ولدى اسى لو قلنا الحافله دى ماشه بيتكم بتركب وين.


**
في واحد سوري ومعه سوداني السوري قال للسوداني أنت عارف أنو السوداني بيكون في رحم أمه سنة كاملة فقال السوداني عرفنا التسعة شهور وعشرة أيام الباقي ده يكون شنو فقال ليه السوري عشان يتحمص ( يبقى أسود


**
واحد رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء داء صاحبو قال لية ياخى العشاء ما بطلع الا الكهرباء تجى... الرباطابى قال لى اصلو عشاء ولا شريط فديو



**
قطر كريمة كان زحمة شديدة جدا ، واحد معاه ولدوا الصغير يادوب لقي ليهو مساحة نام في الممر ،وولدونام جنبو ، والدنياليل ، قام الرجل صحي فجأة ما لقي ولدو الصغير راقد جنبو ، فقام يفتش عليهو والدنيا ظلام شديد ، ولسؤ حظه قام لكز واحد رباطابي نايم جنبو وصحاه من النوم ، فقام الرباطابي زعل وقال للراجل :- يازول بتلاكز مالك ؟ قام الراجل قال ليهو :- ياخوي بفتش علي ولدي ..... قام الرباطابي رد عليهو بزعل :- ولدك دا إبريق ؟ ماتكوركلو



**
واحد رباطابي ركب قطر كريمة من الخرطوم للشمالية ، قام أعطي الكمساري ورقة فئة عشرة جنيه عشان الكمساري يرجع ليهو باقي التذكرة ، والكمساري كان ما عندو فكة ، ويمشي ويجي والرباطابي يراقبو وشفقان جدا علي باقي قروشو ، وكلما الكمساري يمر من عنده الرباطابي ينبهو :- ياخوي الباقي ....ياأخينا باقي العشرة جنيه .... ياأبن العم باقي قريشاتي ماتاكلني فيهن ....وكل مرة الكمسارى يقول ليهو : ياأخي أصبر لحدي ما نلقي فكة .... والرباطابي مصر على النبيح وملاحقة الكمسارى ، وفي منتصف المسافة ركب في القطر مفتش ، وكان لافي مع الكمسارى ولاحظ إلحاح الرباطابى ، فقام المفتش قال للرباطابي عشان يطمنو :- يا أخي ماتخاف علي باقيك ..... الزول داواصل معاك لآخر محطة، وهو راجل ثقة وأمين ومضمون جدا ، فرد عليهو الرباطابي :- طيب مادام هو راجل أمين وثقة ومضمون جدا .... إنت المركبك معاهو شنو ؟؟؟؟؟



**
أثنين زملاء وأصحاب جدا شغالين في شركة الكهرباء والد وأحد منهم إتوفي ، فزميله لم يعزيه في وفاة والده ، ولم يشاطره أحزانه ، وشاء الله أن يتوفي والد الآخر بعد شهر ، وطبيعي أن زميله لا يعزيه ، لأنه لم يعزيه في وفاة أبوهو التي حدثت أولا ، فقابله زميله وهو زعلان وقال ليهو :- بالله مش عيب عليك ، نحن أصحاب وزملاء وأصدقاء ، أبوي يموت ماتجي تعزيني فيهو ؟؟؟؟ فرد عليهو زميله :- باللـــــــــه !!!!! والدفناهو قبل شهر داك كان كيــبــــل !!!!


**
رمضــانيــــــات وأحد كان عندو سحور مدنكل جدا ، ورمضان كان في عز الشتاء ، ( جوع شديد جدا ) وصاحبنا نام جوة الغرفة ، وساب الشبابيك مفتوحة ، وقال يصحى قبل الفجر ويضرب السحور ، وشالتو نومة ، و ما صحي الا والشمس داخلة من الشباك وضاربة فيهو ، فقام قفل الشبابيك ، وباب الأوضة ، ووقع ضرب في السحور ، فدخلت عليهو زوجته ، وقالت ليهو بإندهاش :- سجمي ياراجل !!!! الواطه صباح وإنت بتتسحـــر !!!! فرد عليها : يامره سـدي الباب دا .... يسـد حنكــك./



** واحد بيسكر ( مع اثنين من أصحابو ) لحدي مايتدمر ويغلبو المشى والوصول لبيتو ، وفوق دا كلو طويل لسان ، ولسانو فلغة، فاصحابو بيشيلوهو في قفة ، وكل واحد بيمسك القفة من أضان لحدى ما يوصلوهو بيتو ، ، وفي يوم الجماعة شايلين صاحبنا وهو مطين وغاطس لراسو في القفة ، شاف واحد سكران وماشي في الشارع يمين شمال و بيترتح ، قام قاليهو :- إنتو وكت ما قادرين عليهو الجابركم شنو ...؟؟؟




** عم عباس كان بيسكر مع أصحابو ، وبعد نهاية القعدة الجماعة نزلوهو في طرف الحي عشان يمشى بيتو ، فصاحبنا غلبو يوصل بيتو ، وكل مره يلف ويجي يلقي نفسو في نفس الحتة النزلوهو فيها ، ولمن تعب لقي جماعة قاعدين قدام بيتهم ، فقال لهم :- ياشباب لو سمحتو بيت عمكم عباس وين ...؟؟؟ فرد عليه الشباب :- ماانت عمنا عباس زاتو !!!! فقال لهم :- أنا ما سألتكم من عمكم عباس !!! سألتكم من بـيـتـــو....



**
واحد من أدعياء الشعر ، قابل الشاعر عمر البنا ( الذي اشتهر بالصراحة الشديدة والوضوح ) واعطاه قصيدة ليعرف رأيه في موهبته ، وجاء في القصيدة مابين الشتاء والصيف توجد فواصـل والزول البريدو حبو سكن المـفاصـــل فرد عليه الشاعر عمر البنا :- ياولدي .... إنت ما عندك شعر .... إنت عندك رطــوبـــة ... أمشي الدكتور أكشـف ....



**
واحد قابل الفنان الراحل أبوداؤد في عطبرة ، وقال ليهو: والله يا أبوداؤد انا معجب بيك ، وبسمعك في الإذاعة من زمان ، بس ما كنت قايلك أســــود !!!! فرد عليهو أبوداؤد : يعني كنت قايلني قــاورمـــا !!!!


**
واحد شاب من معجبى الفنان حسن عطية...قال للمرحوم حسن عطية والله انا معجب بى غناك خالص يا استاذ بس مشكلتى ما بفهم كلمات اغانيك كلها....ياريت لو توضح الكلمات فى اغانيك ...عشان الواحد يقدر يفهمك...الاستاذ رد عليهو....يا ابنى انا بغنى....مش بملى........



**
قابل النميري ( أيام حكم مايو ) الفنان الراحل النعام آدم ، وقال له :- ياالنـعـــــام .... الفنانين كلهم عملوا أناشيد لثورة مايو ، وغنوا لي ، ماعدا انت !!!! ليـــه ؟؟؟؟ فرد عليه الفنان النعام آدم :- أنا بغني للبنـــوت !!!! إنــت بــــت ؟؟؟؟



**
في اثنين مساطيل راكبين في مركب المركب اتقدت في نص البحر واحد قال للتاني المركب اتقدت قام قال ليهو خليها تتقدي حقتنا هي




** بت رباطابية قالت لأبوها ابوى ابوى شوف الفار رد عليها يابت انا كديس ردت عليهو نان انا قت لك اوكلو



**
واحد زوجته ولدت ليهو ولد وعاوز يعمل السماية وظروفو صعبة مشى لجاره يستلف منه حق السماية جاره قال ليهم والله انا ظروفى برضو صعبة لكن ما لازم تعمل السماية بعد اسبوع ممكن بعد اسبوعين بعدين ربنا يمكن يفرجها عليك اخونا سمع كلامه وقال خلاص يعمل السماية بعد اسبوعين قبل ما يتم الاسبوعين قام جاره سألوا كيف الاخبار ان شاء الله الامور ماشة تمام ، جاره قال ليهو والله تعيش انت الولد مات ، قام جاره قال ليهو انا ما قلت ليك ربنا حيفرجها


**
واحد مسطول ساق جدو المستشفي الدكتور سالو عمرو كم قال ليهو والله ما عارف لكن من زمان معانا


**
واحد سكران فى بص قا عده جنبو واحده شينه عاينت ليهو وقالت بس دا شنو السكران ده قال ليهااناسكرتىدىبتفك وانتىالله يفك شناتك دى



**
واحد مغترب عرس رسلوا ليهوا العروس طرد استلموا .. قاموا اصحابوا عملوا ليهواحفلة صغيرة كدا .. والعريس خجلان شديد..قام قال لى العروس.... اها .. ان شاء اللة التياب طلعن قدرك .




**
مجموعة من المحس مغتربين فى السعودية قاعدين عطالة قام جاء واحد من السودان وقال ليهم انشاء الله تكونوا كلكم
شغالين ؛ قام واحد قال ليهو مافى شى شغال الا المكيف دا.



**
فى واحد كلم حبوبتو تلفون من السعوديه وبعدين صدا الصوت فى التلفون ازعج حبوبتو هو يقولة حبوبه كيفك هى تقولو المعاك دا منو



**
ود الزومة طبعاً مشهور بالمواقف الطريفة مرة مشى حفلة عرس وبعدين جابو ليهم العشاء هو والشلة بتاعتو وكان العشاء عبارة عن فتة باللحمة ولسوء الحظ كان فوق الرز عضم كبير واحد بتاع لحمة قام واحد من الشلة خطف العضم وبدأ يأكل فيهو قام ود الزومة ما كضب وكشح ليك الفتة كلها في الواطة .. الجماعة سالوهو بي زعل : ليه يا ود الزومة عملت كدا قال ليهم يعني هو سرق الجوكر أنا ما بدكها !!!!


**

واحد اخد خطيبته للحديقه وكانت مشكلتها انها بتنطق حرف الغين ( حاء ) ، اثناء تجوالهم قال لها انتٍ غرامى ، فقالت له
و انت حرامي



**
فى واحد ماشى وراء بنت فى الشارع وقاعد اشاغلهاقال ليها ماشه سريع كده وراك موعد ؟التفتت وقالت ليه لا وراى حمار !!!


**
راجل جا خاش البيت زهجان لمن روحو مارقة لاقا مرتو قاليها انتو يا النسوان ما بتعرفو اصو كلمة هاك بس بتعرفو تقولو جيب جيب جيب ,قامت مرتو قالت لي ما تزعل هاك البطاطس دي قشرا لي !!!!!!!!!!؟؟؟؟




** ولد مشى لى سيد الدكان .. و قال ليه:" عندك "حلاوة؟ "..سيد الدكان قال ليه:" أيوة ! "الولد قال ليه طيب أدينا ببسى الولد مشى و جاء راجع تانى ..و قال ليه :" عندك "طحنية ؟ ".. قال ليه:" أيوة فى ! "الولد قال ليه:" طيب أدينا سكر سيد الدكان زعل و مشى كلم أبو الولد و قال ليه:" ولدك دة عذبنا.. يسأل من حاجة و ".. يقول داير حاجة تانية أبو الولد زعل و قال ليه:" دة ولد قليل أدب "و لازم يتجلد .. عندك بسطونة ؟ ".. سيد الدكان قال ليه:" أيوة موجودة "أبو الولد قال ليه:" طيب أدينا سوط عنج


**
قال ليك في ولد أمو حامل شاف بطن أمو كبيرة وقال ليها يمة الفي بطنك ده شنو قالت ليهو ده ما أخوك يا حمودي، حمودي قال ليها بتحبيهو طبعاً زيما بحبك، حمودي قال ليها وقت بتحبيهو أكلتيهو لي؟؟؟؟؟



**
اثنين مساطيل واحد سأل الثاني قال ليهو: تفتكر يوم الجمعة بوافق أول شهر؟ رد عليهو قال ليهو: والله لو ضغطنا عليهو يمكن يوافق




**
في مسطول قامت لية حبة فوق عينة عاين لنفسة في المراية قال دي عين و لا غين



**
سعودي سأل سودني: انت من وين في السودان؟ قال ليهو من بربر.قام السعودي ضحك قال ليهو مالك تضحك ماذي عرعر



**
رباطابيه ذهبت المستشفى لعلاج بتها الصقيرة وهى صائمه وعند الرجوع بتها اصرت الا تشيلهافهى رفضضت بحجة انها صائم فردة بتها انا قلت ليك ضو قينى



**
كان في أم ومعا ولدا والولد كان شايل بسكويت ققام وقع منه أمه قالتليهو ما تشيلوا ده لحسواالشيطان قام خلاو ومشو بعد شويه الأم وقعت قالت لي ولده أرفعني يا ولد قاليها أبييييييت إنتي لحسك الشيطان


**
شايقي ادوه بيتين في الجنة باع الاول واجر التاني لي حبش ومش اجر مع عزابة في النار



**
سودانية ولبنانية واماراتية ركبوا الطيارة الطيارة وقعت في البحر فرق الانقاذ جاية تنقذهم الاماراتية طلعت يدينها مليانات دهب قالت عشان فرقة الانقاذ يشوفو الدهب يشيلوه وينقذوها هي اول واحدة اللبنانية طلعت رقبتها وشعرها الجميل قالت عشان يشوفو جمالها يطلعوها اول واحدة السودانيةغطست فى الموية طلعت صلبها قالت عشان يقولو ده الصندوق الاسود


**
واحد اسمه بلة شين شنه شديدية جاوا رباطابي يبارك ليهو مولوده الجديد شاف المولود شين زي ابوه قال ليهو حقو تسميه زاد الطين بله




***

دى واحدة جديدة نلحقا الحج :


* واحد شايقى زهجان فى الحج حر وتعب - قام فى الطواف عفص ليهو كراع مرة كبيرة قبًلت عليهو : انت ماب تعاين الناس دى جنت ؟

فقال ليها الشاىقى : اصلو نحن فضلينا شنو من الجن . حايمين بلا هدوم ونجدع فى الحجار .



** واحد سودانى عطس فى الطائرة وكان جارو لبنانى .

السودانى : الحمد لله . اللبنانى : حبيب ألبى .

الهيثم حماد
12-06-2010, 09:50 AM
ذهب رجل إلى قسم الشرطة وهو يريد أن يتحدث مع اللص الذي اقتحم منزله أمس ليلاً والشرطة أمسكته ... فقال له الضابط سوف تأخذ فرصتك في الكلام معه أمام النيابة ... فرد الرجل،، لأ إني أريد أن أسأله سؤال واحد ... كيف استطاع دخول المنزل بدون أن تستيقظ زوجتي ،،، إنني أحاول فعل ذلك منذ سنوات ودائماَ أفشل.
§ بينما كان الرجل وزوجته يتجولون في محل تجاري ضخم ... تاهت عنه زوجته ولم يستطيع أن يجدها وسط الزحام ... وفجأة رأى إمرأة جميلة فتقدم منها وقال لها ... هل تسمحين لي بالحديث معك ولو دقيقة واحدة ... فقالت له لماذا ... فرد عليها،، لأني بمجرد أن أتحدث إلى أي إمرأة جميلة أجد زوجتي أمامي ولا أعلم من أين تأتي.
§ خلال حفل زواج ... سأل طفل صغير أمه ... لماذا تلبس العروس فستاناً أبيض؟ فردت عليه الأم ... لأن اليوم هو أجمل يوم في حياتها ... فأخذ الصغير يفكر قليلاً ثم سألها ... ولماذا إذن يرتدي العريس بدلة سوداء؟؟؟
§ استيقظت إمرأة ذات يوم وهي تقول لزوجها ،،، اليوم عيد الحب وقد حلمت بأنك أهديتني قلادة ذهبية مرصعة بالماس ... ما معنى هذا الحلم؟ فقال لها زوجها ،،، في المساء سوف تعرفين ... وعندما أتى المساء وجدت زوجها يحمل علبة أنيقة وأعطاها لها بمناسبة عيد الحب ،،، وعندما فتحتها وجدت كتاب مكتوب عليه .... تفسير الأحلام
واحد فاز بمليون ريال راح يخبّر زوجته ، زوجته ماتت من الفرحة

قال : ياسبحان الله ، الخير لما يجي ، يجي كلّه مرّة واحدة

ع الله ع عزيز خليفة
12-15-2010, 11:30 AM
* رباطابى عندو فرن جاهو راجل مسكين قال ليهو والله انا من اول امس ما ضقته طعم الرغيف

رد الرباطابى قال ليهو يا هو طعمو ذآآآآاتو ما اتغير

محمدعمرمحمدالشيخ تاي الله
12-15-2010, 12:25 PM
هههههههههههههههه
والله العيش بقا مشكلة

عوض الله جابر كامل
12-20-2010, 09:05 PM
والله يا ود عبد العزيز تجى كرت وحقيقة جد
عندى ود اخى فوق فى الذهب جاء ناذل ابوحمد يشترو حاجات ومن ضمن الحاجات الرغيف ومشى لى بتاع الفرم قالو ادينى عيش ولمن بتاع الفرم اداه العيش ليقا العيش بايت وقال لى بتاع الفرم العيش دا بايت بتاع الفرم قالو ماكان تجى انبارح .

ع الله ع عزيز خليفة
12-21-2010, 06:09 AM
والله يا ود عبد العزيز تجى كرت وحقيقة جد
عندى ود اخى فوق فى الذهب جاء ناذل ابوحمد يشترو حاجات ومن ضمن الحاجات الرغيف ومشى لى بتاع الفرم قالو ادينى عيش ولمن بتاع الفرم اداه العيش ليقا العيش بايت وقال لى بتاع الفرم العيش دا بايت بتاع الفرم قالو ماكان تجى انبارح .



**

أعمامك الرباطاب ماب يتلفتو ...حاضرى البديهة والمساخة متوفرة ..

عوض الله جابر كامل
12-21-2010, 04:24 PM
امسخ هم ولا الشايقية

ع الله ع عزيز خليفة
12-22-2010, 06:39 AM
امسخ هم ولا الشايقية





الفرق فى بديهية المساخة ...

عوض الله جابر كامل
12-24-2010, 12:26 PM
اظن او لا اظن ؟؟؟؟؟؟؟؟؟؟؟

ع الله ع عزيز خليفة
12-27-2010, 10:19 AM
يقال بان ( يحى ) المشهور صاحب الورشة جنوب سوق كريمة الفوق يقال انه ادعى النبوة - فذهب اليه الرجل الساخر -صاحب النكتة والبديهية الحاضرة اخونا

عبد العزيز التهامى (من البركل تحت ) فقال له : يا يحى ما عاوزين نغالطك - آمنًا بيك نبى . .. ما داير ليك صحابة !!!

احمد بابكر حسن تاى الله
12-27-2010, 11:21 AM
تسلم عمنا عبد الله عبد العزيز على النكتة لكن هى برضو ذكرى جميلة لرمز من رموز كريمة

احمد بابكر حسن تاى الله
12-27-2010, 11:33 AM
ارجو من اعضاء الشبكة بتزويدنا بمعلومات عن هذه الشخصية شخصية( يحى ) من اين هو ومن هم ابناؤه؟؟؟؟

علي عوض التهامي
12-27-2010, 01:18 PM
يقال بان ( يحى ) المشهور صاحب الورشة جنوب سوق كريمة الفوق يقال انه ادعى النبوة - فذهب اليه الرجل الساخر -صاحب النكتة والبديهية الحاضرة اخونا

عبد العزيز التهامى (من البركل تحت ) فقال له : يا يحى ما عاوزين نغالطك - آمنًا بيك نبى . .. ما داير ليك صحابة !!!

ياربى المدعى ده ماداير ليهو بياض

عوض الله جابر كامل
12-28-2010, 09:54 PM
يا ود عبد العزيز نحن اشاوفنا وين قبال دا ياربى

ود مقالي
12-29-2010, 07:46 AM
كان مشهوراً بيحي "الترس" وهو صاحب أول ورشة متنقلة من صنعه هو .. فالورشة كانت عبارة عن كونتينر حديد صانعه براه وأغلب جوانبه شبك .. وهو فعلاً كان فيلسوف وله نظرياته وإذا انفتح في الكلام يسكته الله ساكت .. لكن كنا صغار في ذلك الوقت لا نقدر على مناقشته .. أذكر أنه له ابن من دفعتنا وكان معانا في المدرسة لكن والله نسيت اسمه .. الخرف المبكر يا عوض الله نعمل شنو معاه؟؟
يا شباب أرجو المعذرة .. يمكن أغيب عنكم لمدة شهر لأنه عندنا حدث كبير في المؤسسة التي نعمل فيها والتحضير ليه كله على رأسنا .. مواعيد العمل عندنا من يومين صارت صباح ومساء يومياً شاملة يوم السبت .. ونقول الحمد لله .. يمكن نلقى فرصة ننفس شوية مرة مرة نديكم طلة .. ودمتم أحبتي بعافية دوماً

عمر التوم عبدالحميد
12-29-2010, 12:32 PM
انا اعرف يحيى معرفه تامه وكنا نجادله اذا مررنا من عنده والحقيقه بالرغم من كلامه ده كان يصلى فى مسجد السوق الفوق ويأتم بالامام الموجود ويكثر الصلاة بعد الفرض هذا حقيقه يعرفها كل من يعرفه وعايش تلك الايام0
وبنى بيته من علب المصنع من اروع ماتكون الهندسه بإمكانيته البسيطه وهو حداد درجه اولى بل ماهر جدا" واذكر انه الوالد صلح عنده تربيذه صغيره بالبرشام عاشت لاكثر من عقدين التحيه لك الاستاذ عبدالله عبدالعزيز ولاحمد بابكر وعلى عوض التهامي وود مقالي
اما عوض الله ماعرفت اوديك وين العباسيه ام نصر الدين ام العقده وفعلا تعجبني كتاباتك جدا" جدا" فلك التحيه
والتحيه لك اعضاء شبكة كريمه وانا جد سعيد بكل فرد فيها

محمدعمرمحمدالشيخ تاي الله
02-19-2011, 09:52 AM
جعلي عاجباه نفسه
يعني ما راضي بي الناس التانين
قام عمل ليه فرن .. يبيع عيش
الجماعة كل واحد حلف ما يشتري من الجعلي كل يوم العيش باير ...
في يوم جاء شايقي ... وراح الفرن عشان يشتري عيش ....
قال لي الجعلي : هاك اديني بي الف جنيه عيش ..
الجعلي قال ليه : يا شايقي يا مغفل اسع أخلي الناس الوراك ديل كلهم واقفين في الصف وأخرب النظام وأديرك عيش أنت أمشي أقيف ورا في الصف
الشايقي عاين ورا ما لقى زول وراه وبس هو الوحيد الفي الصف .. قالوا طيب ... الليله الجعلي ده بنجموا ليكم ...
مشى وقف في الصف وبدأ يزح كأنه واقف في صف حقيقي .. لحدى ما وصل محل البيع قال لي الجعلي هاك أديني عيش بي الف جنيه
الجعلي أخد القروش ودنقر عشان أدي الشايقي العيش ، قام الشايقي بكل قوه ضرب الجعلي في ضهروا ..
الجعلي : لا حول ولا قوة ابن ..................... ده الضربني .... وعاين لي الشايقي
قام الشايقي قال ليك يا جعلي يا مطرطش أسع أنا أعرف الضربك منو وسط الصفوف ده ....

_________________

محمدعمرمحمدالشيخ تاي الله
02-19-2011, 09:54 AM
ادروب شغال بيحرس مخزن بتاع دقيق يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة . الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكةتشيل دقيق تودى جنوب

محمدعمرمحمدالشيخ تاي الله
02-19-2011, 09:55 AM
هاك دي : مرة واحد مسطول قاعد جنب موية المطرة ومبسوط جداً من منظر الموية الكتيرة , قام جاء واحد راكب عربية عاوز يعدي في الموية وخايف وسأل المسطول هل ممكن أعدي ؟ ورد عليه المسطول طبعاً مافي مشكلة . ولما مشى شويه العربية غرقت وطلع منها السواق زعلان من المسطول وقال ليهو ماقلت مافي مشكلة , رد عليه المسطول والله حسي دي جات بطة مشت عديل

محمدعمرمحمدالشيخ تاي الله
02-19-2011, 09:56 AM
واحد مسطول شافعو مرض وداه الدكتور , الدكتور قاليهو الولده عندو تسمم شارب لبن فاسد.المسطول: اكيد رضعتو حبوبتو

معتز النور
02-20-2011, 09:17 PM
رباطابى سايق ليهو تاكسى فى المطار ركب معاه واحد من الخليجيين قال ليهو ودينى فندق الهيلتون.الزحمة حقت الشارع جابوا بى العمارات بى جوة الخليجى شاف عمارة التنمية .سألو ايش هذه البناية؟قال لى دى عمارة التنمية.فى كم تبنون هذى؟قال دى تلاتة سنة سلموها ليهم جاهزة.الخليجى:والله دى خمسطاشر يوم تصير عندنا.الرباطابى اكلها فى حشاه لكن قال ليه خمسطاشر يومك دى مزيرة ما بتوقفها.تانى الخليجى شاف برج سوداتل سألو ايش هذى البناية؟قال دى سوداتل.فى كم تبنون هذى ؟قال ليه دى على الطلاق سنتين سلموها ليهم بى ناس الهدف؟الخليجى:والله هذى عشرة ايام تصير عندنا.صاحبنا اتضايق جنس ضيق عشرة يوم دى طلبك بجو متين اسمنتيك وينو سيخك وينو.جايبو على الهيلتون كده شاف البرج بتاع بنك السودان.سألو ايش هذى البناية؟الرباطابى ما متضايق.قال ليهو ما بعرفها.الخليجى:ليش موش تشتغل هول.قال ليهو اى بشتغل هول لكن جبت لى مشوار وقت الفطور البناية دى مافى

عادل أحمد عباس
02-20-2011, 09:42 PM
لك التحية الأخ معتز النور ، ومشكور على هذه اللطائف ، وما أجمل نكات الرباطاب وبالأخص إذا كان الطرف الآخر شايقي .

محمد طه منصور
02-20-2011, 11:30 PM
واحد شايقي وصل بقطر كريمة الي ابو حمد والدنيا ليل والبرد شديد يلهب الجسم ...جلس الشايقي بالقرب من الرباطابية ست الشاي وفي الاول تدفا من النار وطلب كبايتين شاي لبن وصحن كبير من الزلابية وبعد شرب الشايقي الشاي واكل الزلابية وشبع تمام ومسح باقي الزيت العالق من الزلابية في راسة وتجشأ تماما ومسح شاربه ...قال للرباطابية ست الشاي ....اسمعي ياحاجة ...انتي ابو حمد دي ياشنو ....وبسرعة بديهة كبيرة اجابته الرباطابية .....ات عايز تعرف ابو حمد دي ياشنو ,,,,اجابها الشايقي ايوة ياحاجة ...فقالت له (ابو حمد دي راجلا لي كريمي)

معتز النور
02-21-2011, 08:14 AM
شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب

جيهان
02-26-2011, 04:40 PM
اتنين اغالطوا راكبين قطر ولما وصلو ابوحمد اتغلطوا في مساخة الرباطاب وسرعة الرد
واحد قالوه اسي انا بثبت لك وهم واقفين جات بت شايل بيض وبتنادي (جن جداد، جن جداد) بيض يعني قام ناداها قال لها البيض نئ ولا مسلوق قالت له مسلوق قال لها انا كنت عاوزة نئ قالت له ما قايلاك عاوز ترقد فوقه

معتز ودامبلة
02-27-2011, 09:54 AM
ود النور ياخطيييييييييييييييييييييييييييير ..
واحدة تانية

جيهان
02-28-2011, 07:06 PM
مسطول في الحافلة فجأة شريط المسجل وقف
المسطول سأل الراكب جنبو: اسمع يا
أخي ود اللمين ده نزل ولاشنو؟

جيهان
02-28-2011, 07:09 PM
واحد رباطابى عندو غنماية خايف
عليها من العين عشان كدة داسيها
من الجيران لكن بالرغم
من كدة فى واحد من الجيران شاف
الغنماية لكن ما اتكلم بعد فترة
الرباطابى قام اشترى ليهو بقرة
فرزيان
وطبعا كان خايف شديد وجا ماشى
براحة جنب الحيطة عشان الجيران
قام جارو الكان شاف الغنماية طلع
ليهو براحة وقال ليهو اسمع بعد جبت
الهيئة القومية دى ما تدينا
الجنليتر الجوة داك

جيهان
02-28-2011, 07:10 PM
شايقي ورباطابي مسافرين
الشايقي شايل اكل كتير
بالليل الرباطابي شايل معاهو
بطانيه اتغطي وخلي الشايقي في
البرد
الشايقي اتغاظ وقعد يقول والله
انا عندي قراصه سمحه وفطير مافي
زيو وبلح كتير لكن ما جعان هسي
اعمل بيهم شنو
الرباطابي قال ليهو اعمل بيهم
سويتر

جيهان
02-28-2011, 07:13 PM
مسطول اشترى بي ام دبليو بمواصفات
خاصة
فيها الكمبيوتر يصلح كل شي
دقش الباب اليمين ،
فرد الكمبيوتر: يا أيها الباب ارجع كما
كنت
دقش الباب الشمال ، فرد الكمبيوتر
يا أيها الباب ارجع كما كنت
عجبته الحكاية قام طار بالعربية
من فوق الكوبري
فرد الكمبيوتر: يا أيتها النفس
المطمئنة ارجعي إلى ربك راضية
مرضية

جيهان
02-28-2011, 07:15 PM
مسطول جاتو فاتورة الموية مليون
قال اكيد الجماعة ديل كتبو مطرة
امبارح دي في حسابي

معتز النور
03-01-2011, 10:47 AM
ود النور ياخطيييييييييييييييييييييييييييير ..
واحدة تانية


عشانك يا ودامبلة

رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟
رد عليه واحد منهم: والله البحر ما نفع معاهو قلنا نجرب الظلط..

محمد طه منصور
03-01-2011, 03:00 PM
شايقي لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي

محمد طه منصور
03-01-2011, 03:02 PM
شايقي نذر لو جاله ولد يصوم خمسة ايام شكر لله ، بعد ايام الولد مات ، صاحبنا راح خاصمهم من رمضان

محمد طه منصور
03-01-2011, 03:14 PM
شايقي وجعلي ومحسي اصحاب
اتفقوا اول واحد يموت منهم يختو ليه قروش جنب قبرو
المحسي اتوفى اول واحد
الجعلي خت 200 الف ومشى
جا الرباطابي خت 200 الف ومشى
جا الشايقي اخد ال 400الف وخت ليه شيك ب 600 الف
وقال ليه لمن تقوم امشي اصرفو

محمد طه منصور
03-01-2011, 03:16 PM
واحد غرق فى النيل مافى جنبو الا شايقى . قال للشايقى عليك الله انقذنى : الشايقى قال ليه يازول ما تستغفر الله .... ده ما يومك ؟

معتز النور
03-01-2011, 03:20 PM
شايقى مشى يسجل ولده في المدرسة قالوا ليهو : المدرسة بي خمسمائة الف والبص > بثلاثين الف ، قال ليهم خلاص سجلوهو لي في البص

محمد طه منصور
03-01-2011, 03:20 PM
جعلي سألُوهو عن الغُربه كيف
قال والله الغربه شِدة ما حاره
تلاقي الشايقي في الشارِع تسلِم عليهو

محمد طه منصور
03-01-2011, 03:24 PM
قال ليك واحد شايقي قال لي ابليس نزرع سوا قامو زرعو قمح الشايقي قل لي ابليس انت شيل ال 4/3 التحت وانا الربع الفوق ابليس وافق قال الندقسو اها لما ابليس اكتشف الحكاية زعل وشاكل الشايقي ، قام الشايقي قال لي ابليس ما مشكلة نزرع تاني وانت شيل ال 4/3 الفوق وانا الربع التحت، قام الشايقي زرع بصل

محمدعمرمحمدالشيخ تاي الله
03-01-2011, 04:10 PM
ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاس بامش معاهم النار يا ادروب الكلام ده كيييف بس؟؟ قال ليهم: الشوايقة ديل ما بمشو حتة الا يكون فيها كّدة ولا منفعة

محمدعمرمحمدالشيخ تاي الله
03-01-2011, 04:11 PM
شايقي لقو بدق في اولاده الاتنين - سالو مااالك - قال لقيتهم فاتحين المروحة في تلاتة وهم كلهم اتنين بسسس

محمدعمرمحمدالشيخ تاي الله
03-01-2011, 04:13 PM
شايقي دخل مع ابليس في جمعية . . . شال الصرفة الاولى وقال بسم الله

محمدعمرمحمدالشيخ تاي الله
03-01-2011, 04:14 PM
شايقية عجوز في محو الأمية.... سألتها المدرسة: قولي لي جملة فيها إدغام بغنة ؟
قالت ليها : عمن يعميك

محمدعمرمحمدالشيخ تاي الله
03-01-2011, 04:15 PM
شايقي قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك

محمدعمرمحمدالشيخ تاي الله
03-01-2011, 04:16 PM
واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين
قال ليهم قدو لي عيني

محمدعمرمحمدالشيخ تاي الله
03-01-2011, 04:18 PM
كان في شايقي راكب في مركب في النيل ومعاهو ابوهو وامو وناس تانيين غيرم وما كان في زول بيعرف يعوم غير الشايقي دا اها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام الشايقي مرق معاهو واحد غير ابوهو وامو لما جا مارق في القيف الناس سالوهو انت كيف تخلي ابوك وامك وتمرق الزول الغريب ؟؟ رد عليهم: نان ماني طالبو!!!

محمدعمرمحمدالشيخ تاي الله
03-01-2011, 07:47 PM
واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسااااافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال ليه ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!

محمدعمرمحمدالشيخ تاي الله
03-01-2011, 07:48 PM
رباطابي بتاع فرن جاءهو واحد قال ليهو العيش في النار رد ليهولا يااخوي في الجنة

محمدعمرمحمدالشيخ تاي الله
03-01-2011, 07:49 PM
رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو تطلع في كراع بتاع الناس انت ما عارف زاتو ماشي وين...الرباطابي رد عليه : انا ماشي عند اهلي انت ماشى وين

محمدعمرمحمدالشيخ تاي الله
03-01-2011, 07:50 PM
رباطابي لابس جزمة قديمة أصابعينو الخمسة مارقين بره. مشى لبتاع ورنيش مد ليهو كراعو.
بتاع الورنيش قال ليهو: أورنش ليك؟ قال ليه : لا لا.. طقطقم لي!!

محمدعمرمحمدالشيخ تاي الله
03-01-2011, 07:51 PM
رباطابي راكب القطر وجالس جنبو واحد شايقي
كل ماتجي محطة يقيف ويقول دي ما ابوحمد؟
قاصد محطة الرباطابي وعمك ماسائل فيهو
كرر الحكاية عدة مرات وبرضو عمك ماهببو ليهو
واخيرا جات محطة الرباطابي ولملم حاجاتو واستعد للنزول
فقال ليهو الشايقي: دي ابوحمد؟
قال ليهو: لا دي ابوظبي انزل اشتغل

محمدعمرمحمدالشيخ تاي الله
03-01-2011, 07:52 PM
قالوا رباطابي ولده أتفلق في راسه .. وكان الوقت ليل \
ساقو وراح العيادة
الدكتور عاين ليه كده وقال ليه: كان تجي بدري شوية ياحاج ..
الرباطابي قال ليه:
بدري متين قبل مايتفلق .
************

محمدعمرمحمدالشيخ تاي الله
03-01-2011, 07:53 PM
واحد رباطابي راكب القطر قاعد جنب الشباك ... فطلب منو الزول القاعد جنبو : ممكن اقعد جنب الشباك عشان انا بسف السـعوط وبتف ...الربطابي رد عليو : نان وانا بسف وببلعو

محمدعمرمحمدالشيخ تاي الله
03-04-2011, 10:34 AM
. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

محمدعمرمحمدالشيخ تاي الله
03-04-2011, 10:42 AM
مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو

عبدالسلام محمد سيداحمد
03-04-2011, 05:22 PM
حريم مشتكين على بعض في المحكمة القاضي: اكبر وحده فيكم

تتكلم الاول! الى هذه اللحظة لم تحل القضية

عبدالسلام محمد سيداحمد
03-04-2011, 05:25 PM
صعيدى مسكوة بيزور فلوس قال للظابط اموت واعرف عرفتو

ازاى انها مزورة الظابط قالة

يابن الجزمة هوة فية ورقة ب65 جنية؟

عبدالسلام محمد سيداحمد
03-04-2011, 05:29 PM
أدروب كان بيشتغل في الميناء عامل ... كل يوم يجي طالع شايل جردل مليان تراب.. ويمشي والعسكري في البوابة ما قاعد يسألو أبدا... يوم كدا العسكري عايز يتسلى سأله: أدروب إنت مجنون في زول بيسرق ليهو تراب من الميناء. رد أدروب بهدوء: أدروب تراب ما يسرق.. أدروب جردل يسرق...

عبدالسلام محمد سيداحمد
03-04-2011, 05:35 PM
عسكري شايقي وهدندوي شيوعي

واحد هدندوي جاء السوق في بورتسودان لقى دفار بتاع البوليس فيه مجموعة من الطالبات قام سأل أحد أصحاب المحلات:
إيها .... بنات هلوين ديل مالو... الراجل قال ليه كان في مظاهرة بتاعة شيوعيين وقبضوهن
الهدندوي مشى جنب الدفار والعسكري الحارسو كان شايقي
صاحبك الهدندوي عاين للعسكري كدا وقال: آاش ندال التبقة الآملة .... العسكري طنشو
: آاش الحزب الشيوئي السوداني .... العسكري ما اشتغل بيهو شغلة
: يئيش عبد الخالق محجوب... العسكري عاين ليهو وقال ليهو والله الليلي إنكان بقيت لينين ما بتركب في الدفار دا ....

عمار محمد ابراهيم نصار
03-05-2011, 09:04 AM
مــحشـش مــتصل علـى مكافــحة المـــخدارت ؟! شوفــو الحــوار بــس


العسكري : الـو ,, معـاك المخدرات .,!






المحشش : هلا اخوي ،، عندي بلاغ عن واحد عنده كمية




كبيره من الحشيش.






العسكري: طيب عطنا البلاغ كامل.






المحشش : ساكن في الحاره الفلانيه بيتهم أبيض مخبي




الحشيش داخل الحطب في الحوش.






العسكري: يعطيك العافية بنتحقق بالموضوع ونكلمك.









اليوم الثاني:





العسكري : اتصل وهو زعلان : ألوو ياخوي قطعنا




حطب المسكين قطعه قطعه !




مـــاحصلنا شيء ، أرجـو منك بعدين تتأكد قبل




تتهم احد وتتعبنا وقفل الخط.








أتصل المحشش على خويه:





المحشش: هلا ابو حميد جووك المخدرات للبيت ? ! .





ابوحميد: ايه





المحشش : بشر قطعوا الحطب لك.





ابوحميد: ايه قطعوه يعطيك العافية.





المحشش: اجل خلاص شب النار وضبط القهوه وأنا




جايك

ناصرودالأحمر
04-07-2011, 02:03 PM
مريخابي جاء راجع البيت بعد كورة انتر انغولا وشو يلعن قفاهو وينقنق ..
مرتو هلالابية قالت ليهو انت اقعد باري لي ناس سفاري:mad: ديل لمن يوم يودوك التوج ويجيبوا ليك ضغط وسكري...
قال ليها طيب اباري منو ... ؟؟؟ ردت ليهو بكل براءة....
باري ديمبا
باري ديمبا
باري ديمبا
باري ديمبا
باري ديمبا
ديمبا
ديمبا:rolleyes:

عمر سليمان السويسى
04-07-2011, 03:38 PM
بارى ديمبا لامن يمرقك فى تونس
ويخليك تغنى أنا أفريقى

أنا طاير

نورهان
04-07-2011, 08:12 PM
مسطول قال لصاحبه الليله جهجهت لك كمساري الحافلة جهجهة قالو كيف؟ قالو دفعت وماركبت

نورهان
04-07-2011, 08:17 PM
مسطول إتصور بين حمارين ورسل الصور لناس البيت وقاليهم:أنا الفي النص

ع الله ع عزيز خليفة
04-09-2011, 10:25 AM
مريخابي جاء راجع البيت بعد كورة انتر انغولا وشو يلعن قفاهو وينقنق ..
مرتو هلالابية قالت ليهو انت اقعد باري لي ناس سفاري:mad: ديل لمن يوم يودوك التوج ويجيبوا ليك ضغط وسكري...
قال ليها طيب اباري منو ... ؟؟؟ ردت ليهو بكل براءة....
باري ديمبا
باري ديمبا
باري ديمبا
باري ديمبا
باري ديمبا
ديمبا
ديمبا:rolleyes:





النكتة دى.. مضحكانا لامن موقِعانا على قفانا ..
وبرضو ممغسانا لامن مقطِعة فشفاشنا

ناصرودالأحمر
04-10-2011, 09:57 AM
بارى ديمبا لامن يمرقك فى تونس
ويخليك تغنى أنا أفريقى

أنا طاير
عندو جناح ولا يطير ده شنو؟؟؟
اكيد فندق يادكتور
طيب ماعندو جناح وبرضو بطير؟؟؟
دي مادايره ليها فتاكه يادكتور
اكيد المريخ:d

ناصرودالأحمر
04-10-2011, 12:51 PM
النكتة دى.. مضحكانا لامن موقِعانا على قفانا ..
وبرضو ممغسانا لامن مقطِعة فشفاشنا
غايتو زي مابقولو
يفلق ويداوي
بس للجماعه دايما كاوي:p

محمد طه منصور
04-19-2011, 01:05 PM
ركبت سيدة بدينة جداً الأتوبيس فصاح أحد الراكبين متهكماً:
- لم أعلم أن هذه السيارة مخصصة للفيلة ..
فردت عليه السيدة بهدوء:
- لا يا سيدي .. هذه السيارة كسفينة نوح .. تركبها الفيلة والحمير أيضاً



جواب الشهير برناردشو حين قال له كاتب مغرور: انا أفضل منك ،فإنك تكتب بحثا عن المال وانا اكتب بحثا عن الشرف ..
فقال له برناردشو على الفور: صدقت،كل منا يبحث عما ينقصه .!!
------------ --------- --------- --------- --------- --------- ------


وسأل ثقيل بشار بن برد قائلا : ماأعمى الله رجلا إلا عوضه فبماذا عوضك ؟
فقال بشار: بأن لاأرى امثالك .....!!
------------ --------- --------- --------- --------- --------- ------


قالت نجمة انجليزية للأديب الفرنسي هنري جانسون : انه لأمر مزعج فأنا لا أتمكن من ابقاء اظافري نظيفة في باريس ...
فقال على الفور :لأنك تحكين نفسك كثيرا ...!!
------------ --------- --------- --------- --------- --------- ------


تزوج اعمى امرأة فقالت :لو رأيت بياضي وحسني لعجبت ،
فقال :لو كنت كما تقولين لما تَرَكَكِ المبصرون لي ...!!

------------ --------- --------- --------- --------- --------- ------


ويروى ان رجلا قال لإمرأته : ماخلق الله احب الي منك ....
فقالت : ولا ابغض الي منك !
فقال: الحمد لله لذي اولاني ماأحب وابتلاك بما تكرهين ..!!
------------ --------- --------- --------- --------- --------- ------


تشدقت امرأة امام صوفي بكثرة المعجبين بها وانهم يزعجونها ،
فقال الصوفي :لكم هو سهل ابعادهم ايتها العزيزة ... ماعليك سوى ان تتكلمي ..!!
------------ --------- --------- --------- --------- --------- ------


- قال رجل لبرناردشو : اليس الطباخ انفع للأمة من الشاعر أو الأديب ؟؟
فقال: الكلاب تعتقد ذلك ..!!
------------ --------- --------- --------- --------- --------- ------


اضافه
رأت الراقصه فيفي عبده عندما ارادت ركوب سيارتها المرسيدس الفاخره الأديب نجيب محفوظ وهو راكب سيارة متواضعه للغاية فقالت:بص ال أدب عمل فيك ايه
رد عليها نجيب محفوظ بسرعه :بصي قلة الأدب عملت فيك ايه

عوض الله جابر كامل
04-19-2011, 06:54 PM
مشكور هل الردود نوعا من الحكمة ولا ذى الرباطاب حققننا ديل
لك الشكر يا دكتور ونتمنى من الله بأن لايتهكم احد بآخر

محمد طه منصور
04-19-2011, 07:18 PM
لك الشكر ياشيخ عوض الله وربنا يحقق لينا الفي مرادنا

عوض الله جابر كامل
04-19-2011, 11:52 PM
لك الشكر ياشيخ عوض الله وربنا يحقق لينا الفي مرادنا

الفى مرادى هوا ان نلتقى

ع الله ع عزيز خليفة
04-27-2011, 12:35 PM
1--


اثنين افارقه بيدرسوا في جامعة افريقيا العالمية
ركبو المواصلات دفعو جنيه قالوا للكمساري
طالبان........ الكمساري قال ليهم إن شاء الله تبقو اسامة بن لادن زاتو
جيبو الفين جنيه ....

ع الله ع عزيز خليفة
04-27-2011, 12:38 PM
واحدة جديدى من القسطيرة .. 2

--------------------------------------------------------------------------------

2 :

واحدة فلاتية تدردش مع صاحبتا قالت ليها .. عارفة الحنان يتائى اسمو يبدأ بى
حرف الالف ( أ ) ..تأرفى منو ؟؟ قالت ليها اكيد اسمو أحمد .. قالت ليها كضبا كاضب .. أسمو ( أبودى ) ..

عماد محمد الحسن التبر
04-27-2011, 03:00 PM
فلاتية تدندن بحب حبيبها وتقول : صلاح يا صلاح يا حرف ال n
لك التحايا وإنت ترسم الإبتسامة على وجوهنا ... فهل من مزيد؟؟؟

ع الله ع عزيز خليفة
05-23-2011, 01:43 PM
1-

فى واحد رباطابي راكب القطر و شايل ديك
واحد سالو: ماشي تبيعو
قالو: لا ماشي اغير نغمتو
************

2 -

ولد رباطاب سألوه في المدرسة ..
قالوليه: ابوك عمرو كم؟ .....
قاليهم : و الله ما عارف لكن طول معانا .....!!!
************

http://albrkal.com/vb/images/styles/greendeluxe/misc/progress.gif

نورهان
06-21-2011, 08:46 PM
واحد رباطابي راكب القطر وبالليل يتمشي كدي في الممشي بتاع القطرفي واحد طويل اسمه روب راقد في الممشي الرباطابي هوماشي كل شويه يضرب روب يقول منو يقولو روب تاني يضربو في ضهره يقول له منه يقولو روب الرباطابي قالو انت إتكشحت...

شيخ الدين عثمان
07-26-2011, 07:29 PM
يديكم العافيه فرفشتونا

شيخ الدين عثمان
07-26-2011, 07:44 PM
لكم التحيه وانتم دائما ترسمون الابتسامه علي وجوه الجميع

شيخ الدين عثمان
07-26-2011, 07:46 PM
الفى مرادى هوا ان نلتقى

انا بوصيهو ليك يرسل ليك كرت زياره

شيخ الدين عثمان
07-26-2011, 09:14 PM
غايتو زي مابقولو
يفلق ويداوي
بس للجماعه دايما كاوي:p




ده منو ده ؟؟؟؟؟؟؟؟؟؟؟

شيخ الدين عثمان
07-26-2011, 09:25 PM
ده بليد جدااااااااااااااااااا

شيخ الدين عثمان
07-26-2011, 09:28 PM
قطعتو مصاريننا بالضحك

ناصرودالأحمر
08-01-2011, 01:32 PM
ده منو ده ؟؟؟؟؟؟؟؟؟؟؟
دمباوي ومساوي
البيهرد الفشفاش والكلاوي
وسادومبا ابو اقوان بالجمبة
رمضان كريم
وكل سنة وانت طيب
والجميع بخير

محمدعمرمحمدالشيخ تاي الله
08-01-2011, 03:16 PM
الله يخليك لي دا ياودالاحمر

نورهان
08-09-2011, 07:55 AM
كان احد النحويين راكبا" سفينة فسال احد البحارة هل تعرف النحو ؟فقال له البحار :لا فقال النحوى :قد ذهب نصف عمرك .
وبعد عجة ايام هبت عاصفة وكانت ستغرق السفينة فجاء البحار الى النحوى وساله :هل تعرف السباحة؟ قال النحوى :لا فقال له البحار :ذهب كل عمرك

ناصرودالأحمر
08-10-2011, 09:55 AM
الله يخليك لي دا ياودالاحمر
رمضان كريم
نحنا اصلنا قاعدين هبابات
وبنابرنا وقدام عنابرنا
واتعنبري واتبنبري

محمدعمرمحمدالشيخ تاي الله
08-21-2011, 10:39 AM
أدروب قبضوهو سكران أيام النميري جلدوهو وسجنوهو
جا راجع الخرطوم بعد سنة, لقي الإنتفاضة مدورة والمظاهرات مالية الشوارع
ياجماعة في شنو؟
يا أدروب دي الإنتفاضة
أنتفادة يعني شنو؟
يا أدروب خلاص نميري شالو وبعد كده تسوي الدايرو..
قام أدروب مشى سكر سكرة قوية ومشى نقطة البولبس عديل
يا سعادة الضابط::
مالك يا أدروب داير شنو؟
سجل عندك أنا أدروب مهمد أدروب
ســــــكران وشيوعي كمان

ع الله ع عزيز خليفة
09-16-2011, 07:16 PM
1 - واحد ماشى صلاة الجمعة وأظنًو كان متأخر شوية لقى ناس طالعين من الجامع - على التعتًرو وقع فى واحد رباطابى
- الصلاة أنتهت وللا شنو ...؟؟

- الرباطابى : لا .. بس رجًعونا نمشى نجيب السبح ..



2 - واحد مسطول أدًوهو مواعيد يقابل الاخصائى يوم 11 /11 /2011 ..تانى يوم راح منزًل أعلان فى جريدة الوسيط :

" للبيع موعد مميًز "

ع الله ع عزيز خليفة
09-22-2011, 01:14 PM
واحدة جديدى ..يا دوب فكًيناها من الكرتونة ,,



الراجل : كنتى وين يا مرة لغاية دلوقت ,,
المرة : مشيت لى بيت ناس المرحومة كلتوم بت الريح ..
الراجل : أسع الوكت دا كلًو قاعدى مصنقرى هناك ..
المرة : لا ..لا مرقنا مع الحريم نشوف الجامع السواهو ليها راجلا أريتو راجل السرور .. مش زيًكم -جامع بى صهريج مويتو ..كمان
الراجل : هاكى دى خرطة الجامع وشهادة البنا ء والقروش بس أستعجلًنا شوية أتخارجى ..

ع الله ع عزيز خليفة
10-09-2011, 09:51 AM
واحدة جديدى من القسطيرة :





شايقية دايرة تمشي الحج قالوا ليها الحج بعشرة مليون قالت ليهم في شان شنو .. انا ذاتي ما عندي ذنوب قدر
القريشات ديل...!!

ع الله ع عزيز خليفة
10-09-2011, 10:03 AM
2 -

- ( حلفاوى قالو ليهو بكره عيد الحب قال ليهم ده كمان بصلوهو كم ركعه..؟؟؟

3- حلفاوى جاء رئيس مجموعه فى بعثة الحج قال لى جماعتو إذا بقيتو نشيطين ورميتو الجمرات دى سريع العيد إنشاء الله فى الخرطوم )

ع الله ع عزيز خليفة
10-09-2011, 11:30 AM
4 -


* في واحد قال لمرتو انا بحب (جالكسي) قالت ليهو مدام بقيت صريح معاي انا كمان بحب( بكري) ..
قال ليها يامدام جالكسي دي شوكلاته .. ! قالت ليهو( بكري ) اكان شفتو دا عسسسسسسسسسسسل عديييييل ..

نورهان
10-17-2011, 09:16 PM
1:مرة راكبة القطر وفى محطة القطر وقف ومدت راسها بالشباك لقت شافع رباطاب جالب ليه جردقة(عطرون)
قالتلو الجردقة بى كم ؟؟؟
قالها :بى الفين ..
قالتلو: الواطه بى الفين ؟؟
قالها: تطى العقرب وكت واطه دنقرى وخمى
****
2:راجل راكب القطر بلا تزكرة الكمسارى طاردو دخل الحمام الكمسارى مشى وراهو ودق ليهو الباب
كلما يخبط الكمسارى الراجل يقول احم احم احم
الكمسارى قال له منو فى الحمام
قالو انا الإبريق
*********
3:راجل نزل فى طرف حلة بالرباطاب ونادالو شافع منهم قال له :
عندكم مويه؟؟؟
الشافع قال له نان الشجر القايم قدامك قايم بالتيمم؟؟
*****

ع الله ع عزيز خليفة
10-18-2011, 09:11 AM
*


واحد حالتو المادية تعبانة شديد مشى الشمالية يفتش عن الدهب وكان حظوا حلو حفر شوية كدة لقي 5 كيلو دهب الراجل من الفرح جسمه صفى عرق وجاهو اسهال الجماعه قالو ليهو يازول ما تمسك نفسك قال ليهم وهو حاضن الدهب انا يا اخوانا ماسك نفسي الا الفقر قاعد يطلع .

محمدعمرمحمدالشيخ تاي الله
10-18-2011, 09:50 AM
يديك العافية والله

نورهان
10-21-2011, 09:11 AM
اخوانى وخواتى أعضاء الشبكة تعالوا نضحك شوية وأى واحد عندو نكته ينزلها لينا هنا عشان نرسم الضحكه على وجوه الكل وانا الآن ببدأ ليكم..

1:سألوا مسطول ماهو أصعب موقف مر بك ؟؟
؟قال ليهم انك تكون ماسك بيدك واحدة فى قمة جبل وإيدك التانيه مقطوعة وتقرصك نمله جوه نخرتك
2:اتنين مساطيل إتفقوا يخلوا التلفونات ويتراسلوا بالحمام الزاجل ,,ورسل لصاحبه اول حمامه والتانى وصلتو الحمامة فتشها فوق تحت ما لقى اى رسالة شال الحمامة ومشى ليهو وقال له:
ترسل لى الحمامة بلا رسالة ؟؟؟
قال له ياغبى دى معناهو ماعندى رصيد اتصل على

ود مقالي
10-21-2011, 09:40 PM
مشكورة نورهان .. بس سبقك عليها الباشمهندس عبد الله في منتدى الحوار العام (نكات جديدي من القسطيري) .. واقترح ضمها في بوست واحد .. مع التحايا

نورهان
10-21-2011, 09:48 PM
*مسطول لقى خواجه واقف فى شارع النيل قال ليه عندك سيجارةخضراء ؟؟؟قال له لا مابتعاطى
مشى وتانى جاهو قالو عندك بيره ؟؟؟قال له لا مابشرب
تانى مشى وجاهو قال له عندك سيجاره حمراء ؟؟؟قاله لا ما بسجر
المسطول مسكو من رقبتو وقال له:



نااااااااااااااااان الكافرلها شنو؟؟؟

نورهان
10-21-2011, 09:57 PM
مشكور اخى ود مقالى...
حقيقة ده إقتراح جميل وانا بتمنى ذلك انه اى نكته تتضم الى هذا البوست او تحت اى مسمى فى (ساعة لقلبك)حتى نكون منها بنك للنكات تكون سهلة الصرف لكل الأعضاء فى اى وقت ..

معتز النور
12-06-2011, 05:45 PM
شايقي دخل أحد المطاعم وطلب صحن فول، وبعدما أنتهي من آكله سأل
الجرسون: كم تريد ثمناً للفول، اجابه: 13 قرشاً..مد الشايقي يده في جيبه
وأخرج ال13 قرش ورماها على الارض.. وتكرر المشهد 3 أيام متتالية. وفي اليوم
الرابع دخل المطعم وما معاه صرافة فاعطى الجرسون ربع جنيه(25) قرش وقال
له واحد فول، طبعا الجرسون حب ينتقم منه فاحضر الباقي(12)قرش ورماهم
على الارض وقال له خذ الباقي، فاخرج الشايقي قرش من جيبه ورماه فوق ال( 12)
قرش وقال للجرسون كمان واحد فول لو سمحت.

معتز النور
12-06-2011, 05:48 PM
شايقى فتح دكان كبير ومن فتحو ما جوهو زبائن ، راح جابليهو ( فكى ) ، الفكى عمل حركات وقراء شوية وراح ، بعده الزبائن جات بالهبل وعمك الشايقى باع ب 3 مليون ، انبسط شديد .جاهو الفكى قالو ادينا حقنا ، الشايقى قالو حقك كم ، الفكى قاليهو 1.5 مليون ، الشايقى قاليهو ليه مليون ونص السورة دى كان من كلماتك .

ود مقالي
12-06-2011, 09:24 PM
مذيع بيسأل صعيدى: أحمد زويل اخد جايزة نوبل فى ايه؟؟
قال له فى علبة قطيفة حمرا

ابوالقاسم على عباس
12-07-2011, 05:38 AM
الشايقى ده قروشه تدخل عليه بالساحق والماحق

محمدعمرمحمدالشيخ تاي الله
01-05-2012, 12:12 PM
مسطول وفرنسي وامريكي ، حكمو عليهم بالسجن 50 سنة ، قالو ليهم البخترع شئ مفيد بنطلق سراحو ،،،
الفرنسي قال ليهم ادوني
حديد ، وكيماويات ،
بعد 10 سنة اخترع صاروخ
افرجو عنو
... ،،
،،
الامريكي قال ليهم ،،
ادوني حديد ومواد الكترونية
بعد 5 سنوات اخترع رجل آلي ،،
افرجو عنو ،،
،،
،،
المسطول قال ليهم ، ادوني مواد بناء وفأس
مرت 3 ساعات لقوهو ،،
!
!
!
كسر حيطة السجن وقام جاااااااااااااري،،،!

محمدعمرمحمدالشيخ تاي الله
01-05-2012, 12:18 PM
مسطول شاف لافتة مكتوب عليها مزرعة أبقار سأل راعي المزرعة كيف بتزرعوا البقر ؟؟ الراعي قاليهو باستعباط : نرش سكر وبيطلع بقر المسطول مشي رش سكر بحوش بيتهم رجع ثاني يوم شاف النمل متجمعين قال : سبحان الله ما أحلاهم البقر وهم صغار‌

محمدعمرمحمدالشيخ تاي الله
01-05-2012, 12:19 PM
مسطول سايق ركشه سالتو مره قالت ليهو مابتعرف ليك مره بتحنن ؟ ساقا وداها لي امو عمرها 120 سنه قال ليها عليك الله دي ما بتحنن

محمدعمرمحمدالشيخ تاي الله
01-05-2012, 12:20 PM
مسطول بيتو إتحرق ...

.
.
.
... .
.
.
.
.

دخل المرة الأولى طلع ولدو

دخل المرة التانيه طلع بتو

دخل المرة التالته طلع مرتو

دخل المرة الرابعه جا طالع ساي

دخل المرة الخامسه جا طالع ساى

دخل المرة السادسه جا برضو طالع ساي

الجماعه إحتارو قامو سألوهو قالو ليهو : مالك يا زول بتخش و تمرق ساي

.
.
.
.
.
.
.
.

قال ليهم : بقلب فى حماتي عشان تنجض
-

نورهان
02-22-2012, 10:04 PM
حنكوش سألو عن موقف بطولي قال ليهم:
كنا ماشين في الشارع أنا وأختي ولاقتنا غنمايه ولا جرينا..

نورهان
02-23-2012, 12:22 PM
مساطيل تلاته قالوا مشتهين المطر:
واحد قلد الرعد،واحد قلد المطر ، التالت لف المرتبه ودخل جوه..

محمد طه منصور
02-25-2012, 05:31 AM
شكرا لكي اختي نورهان وبصراحة كانت واحة انتزعت مني ابتسامة في لحظة قلق وتوتر وتجهم وماخفي اعظم .. لكي صادق تحياتي .

مالك محمد يسن
03-31-2012, 11:25 AM
شايقى جلف جوهو اهل الخير ليتبرع لبناء حوش للمقابر قالهم( انتو متخلفين
وما عندكم شغلة عمركم سمعتو فى ميت قام شرد) 000000000 شايقى اخد امو
معاهو الحج وفى السعى الام تمشى خطوتين وتقعد عايز يخليها تسرع وتبطل القعاد
قالها (السعى دا لازم بى نفس واحد واذا قعدتى تبديهو تانى من الاول امو ردتلو (
اصلو دا سعى ولا حقن سعر000000000000

مالك محمد يسن
03-31-2012, 03:18 PM
اسد من شرق اسيا جابوهو السعودية والاسد فرحان متعشم فى انو حياكل لحم طازة
فى اليوم الاول ادوهو موز وفى التانى موز وفى اليوم التالت موز قام الاسد مسك
بتاع التغذية (قالو دا شنو ( قالو موز )وانا شنو ( انت اسد ) لكن للاسف جابوك
السعودية بى فيزة قرد0000000الفلاتى قالو وقع فى خلاط خرسانة وجات الشرطة
والنيابة والحكومة كلها وفتحوا الخلاط الفلاتى قام اتنفض وقال ( والله دى اخر مرة
ندخل فيها ملاهى ),,, اليضحك يكون ما فهم النكتتين

نورهان
04-03-2012, 05:39 PM
إيه رأئك انا ضحكت بس ضحك من نوع آخر..

مالك محمد يسن
04-04-2012, 09:59 AM
انتى ليه مشيتى للبايخات (اهذا حنين دم ؟
لك الشكر

نورهان
04-08-2012, 09:46 AM
في واحد كلما تلفونه يضرب المرة تختو في الشاحن وتدي ليهو وهو يتكلم..
بعد فترة إكتشفت إنه بعرف واحدة مسجلها ب(البطارية ضعيفه)..

مالك محمد يسن
04-08-2012, 10:43 AM
فى واحد هوسو الاتصال بالستات مرة مراتو قالت تعمل مفاجأة ليهو اشترت تلفون واتصلت
عليهو هو فى الصالون وغيرت صوتها (قالها اقفلى حاتصلك عليكى بعدين الحيوانة دى
موجودة)هناك اكتشفت الزوجة سر زوجها(ممنوع الضحك ).

عمر محمد الحسن
04-08-2012, 11:09 AM
مشكور اخى ود مقالى...
حقيقة ده إقتراح جميل وانا بتمنى ذلك انه اى نكته تتضم الى هذا البوست او تحت اى مسمى فى (ساعة لقلبك)حتى نكون منها بنك للنكات تكون سهلة الصرف لكل الأعضاء فى اى وقت ..


فى الحقيقة هناك بوست بعنواننكات وطرائف وضحكات موجود بالفعل فى منتدى ساعة لقلبك ونوهنا ليه فى كتير من المرات ، لكن للأسف :
هناك من يحتج..
وهناك من لايتابع ..
وهناك من يعترض..
وهناك من يقترح...
وهناك ... وهناك ....!!!
...
..
لكن لامانع من تحريك الموضوع من جديد ودمج كل النكات مع بعضها البعض ....
تحياتى .

مالك محمد يسن
04-08-2012, 12:40 PM
يا عمر هسع لو جاتنى ضحكة اكتما واقول لامن اصل البيت ولا اضحك فى مكانى.
الصديق كان لاعبا بالبركل وفى فترة من فترات فك التسجيلات سجلو الهلال ولعب
للهلال قام اشتكى البركل فى احقيته للاعب قام اتحاد كريمة شالو من الهلال اداهو
البركل ولعب مع البركل مباراة تنافسية قام الهلال طعن فى قرار الاتحاد قامو تانى
رجعوهو الهلال قام صلاح عبد العزيز ذو القفشات قال الصديق بقى ذى----------
( صرفة الصندوق ).

نورهان
06-03-2012, 07:14 PM
مسطول مشي يصطاد ومالقي طعم كتب ورقه وربطهافي السنارة ورماها كتب فيها (.طعم.) بعدشوية سحب السناره لقي فيها ورقه مكتوب عليها (سمكه).

عزالدين عبدالعزيز
06-03-2012, 07:44 PM
واحد سأ لوه ما هو اكبر حيوان في البحر فاجاب اكبر حيوان في البحر هو البنطون .

مالك محمد يسن
06-06-2012, 02:55 PM
الم تسمعموا بمحمد صالح الحلفاوى الذى كان ياذن ويتولى نظافة المسج حتى مرض وقرر السفر للعلاج والح على المصلين لكى يتحملوا الامر من بعده ولكن لا حياة لمن تنادى وفى الاخر واحد قالوا ( انت يا حاج محمد صالح حتاخد قد ايه فى الخرطوم للعلاج قالوا ان شاء الله ما كتير اسبوعين ولا تلاتة بالكتير قالوا خلاص سيب المفتاح واحنا حننتظرك حتى ترجع.

نورهان
06-07-2012, 02:09 PM
في كلام لازم أقولو ليك يمكن تاني ما أشوفك أناما إرتحت الا معاك،أبقي عشرة علي نفسك احتمال تاني مانتلاقي..
‏(مسطول بودع في شبطه قدام المسجد)

عزالدين عبدالعزيز
06-08-2012, 11:00 PM
طبعا واكيد يا نورهان نكتة خفيفة وظريفة جدا وانا افتكرت الراجل يودع في صاحبه لانوماشي هجليج ولا كاوده.

عمر محمد الحسن
06-14-2012, 12:14 PM
جزء من مقال للصحفى حسن وراق بتاريخ 2012/6/14

صفحات الجريمة في الجرائد اليومية تعج بانواع دخيلة من جرائم غريبة جدا إنتشرت في المجتمع السوداني جراء تدهور الاوضاع الاقتصادية للمواطنين . أحد اللصوص انتهز موجة البرد الشديد التي جعلت افراد الاسرة ينامون داخل الغرف المغلقة وقام بسرقة كل الملابس الموجودة في حبل الغسيل وعندما هم بتسلق الحائط قبض عليه صاحب المنزل الذي احكم وثاقه بحبل وصب عليه جركانة من الماء المثلج صرخ اللص ..( يا عمك ! حرام عليك ما عندك عكاز؟) .

نورهان
06-14-2012, 06:23 PM
مسطول اشتري ركشة كتب فيها(الإنقاذ)..قالوا له الزول يكتب حكمة،شعر كتبت الإنقاذ ليه؟ قال عشان ماتنقلب

نورهان
06-14-2012, 06:30 PM
..مسطول كتب في الحيطة(ح،د،ط،م،11)أتلموا الناس والإحتياطي والنجدة وماعرفو قاصد شنو؟
جامسطول وسألوه قال لهم يعني:حكومتكم دي طلعت ميتينا واحد واحد

نورهان
06-14-2012, 06:39 PM
عملوا مسابقة كدسه وجابوا كديس صيني،امريكي،ياباني،..الخ وسوداني والسوداني شال الكاس الجماعة زعلوا وقالوا يحققوا مع الكديس السوداني قال ليهم انا ح أقول الصراحة انا

بصراحه كنت نمر والجوع سواني كديس

عزالدين عبدالعزيز
06-15-2012, 12:30 PM
غايتو يا نورهان لو ما الحكايه (ساعة لقلبك ) وفعلا ضحكنا وافرحنا قلوبنا ما كنا شاركناكم لانو النكات كلها تجيب هواء.

ع الله ع عزيز خليفة
06-15-2012, 12:58 PM
ورمضان على الابواب :

فى اول يومين فى رمضان الحلفاوى قال لزميلو والله رمضان بدأ بسخانة ما عادية
الحلفاوى الثانى : الحكاية دى ما فى صالحو ..!

ابوالقاسم على عباس
06-15-2012, 07:02 PM
ياجماعة خلو النقار ده!!!!!!! بيت الجدرى ولابيت النقرى == فهمتو والله كلكم بره البيت ده == أستبيحكم عذراً

نورهان
07-12-2012, 07:46 AM
واحد دخل دكان تركيب عطور قال ليه عاوزك تركب لي عطر من أول بخه الحله كلها تشموا
قاليهو الا اركب لك حلو مر

نورهان
01-14-2013, 09:59 AM
إتنين شاقين المقابر شافوا واحدة تبكي جنب قبر راجلا واحد قال للتاني شوف الوفا ده والله لو عرفت مكان بيتها الا اتزوجها المره سمعته بقت تبكي بصوت عالي وتقول:
وااااي يا الخليتني وحيدة في الحلة الجديدة جنب دكان حسن..


مسطول اتصل بمطعم قاله عندكم عشاء قاله نعم قاله طيب ماتعزمونا..

نورهان
01-14-2013, 06:44 PM
...مسطول يخطب في صلاةالجمعةوماعارفنو قالهم:ماعاوز اطول عليكم عارفين قصة سيدنا نوح قالوا نعم قالهم عارفين قصةسيدنا ابراهيم قالوا نعم قالهم :خلاص الجمعة الجاية ماتجووو

أحمد محمد عطرون
03-14-2013, 09:49 AM
الشايقي يعجن في زبالة .. والرباطابي سايق ركشة .. الشايقي قال للرباطابي متين نركب البرادو ده .. الرباطابي قالو لمن تنتهي من تخصيب اليورانيوم ده .

عمر محمد الحسن
04-01-2013, 11:59 AM
من لطائف تيراب الكوميدية، يحكى أن أحدهم عاد إلى قريته مع أول الليل مترنحاً من وطأة أم الكبائر، فوجد القرية كلها تبحث عن طفل مفقود اسمه هيثم، فشرع يبحث معهم - من شارع لي شارع، ومن زقاق إلى زقاق - وهو يردد بأسى ( ياسلام ياخ، بالله هيثم اتفقد؟، والله ده فقد للوطن).. وأصابه الرهق، فعاد إلى منزله وهو يسب ويلعن (ياخ بلاهيثم بلا بلولة، نحن ناقصين بشر؟، إن شاء الله مايتلقي).. وقبل أن ينام، ومع أول الفجر، سمع زغاريد النساء وتهليل الرجال، فخرج إليهم سائلاً عن السبب، فأخبروه بأنهم وجدوا هيثم..فحدق في طفل يتوسطهم، ويبدو أنه كان دميماً، وسألهم بدهشة ( ده هيثم؟)، فأجابوه بنعم، ثم كرر السؤال ( بالله ده هيثم الساهر بينا الليل كلو؟)، فأجابوه بنعم .. فغادرهم قائلاً ( علي الطلاق أنا لقيت الشافع قبل العشاء ستاشر مرة ) ..!!